بدعت طاروقي وجريـت الالحـان=وحصنت قافي من جميـع النواحـي
وغصت البحور وجبت لولو ومرجان=شوارد يفطـن لهـا كـل صاحـي
عقد نظمته يذهـل الانـس والجـان=تعبت فيـه وقلـت هـذا الوشاحـي
وعطرت عنوانـي بفـل وريحـان=العود الازرق واشقر البـن فاحـي
قافي وطاروقي على طول الازمـان=رعاد نـوه دونـه البـرق لاحـي
ابغى لما سمعـوه ذربيـن الايمـان=اهل المغـازي محتميـن اللقاحـي
قوم مدحهم بـاول الوقـت راكـان=يوم العزاوي والنعت والصياحـي
(مخيلة تاتيك من صـوب نجـران=بارودهـا سـم لكبـدك ذحاحـي )
هواشم لمـا رقـص كـل شيطـان=يااما هجـاد القـوم والا الصباحـي
ابغى لما سمعـوه ثـم قالـو فـلان=تنومسـو بسمـي طيـور الفلاحـي
لا ني بمثلهـم ولـي قلـب ولسـان=والعـز ماهـازه كسيـر الجناحـي
يامرحبـا ترحيبـة نورهـا بــان=ترحيبـة مازعزعتهـا الريـاحـي
يامرحبا ياذخرنـا طيـر حـوران=ياذخر يام فـي الليالـي الشحاحـي
من روس يام مرجحة كـل ميـزان=قوم قبل عصر الرسول وصلاحـي
قوم ترج العرش عجمـان عجمـان=يوم يضيعـن القلـوب الصحاحـي
حرابهم يصبر علـى راس شامـان=عج الرمك يتـلاه زرق الرماحـي
يامرحبا ياشيخهـم يابـن سحمـان=يانـادر مـا تــارد الا قـراحـي
يامزبن المجـرم سلايـل كحيـلان=سلاحنـا لمـا بغينـا السـلاحـي
شيدت ذكـرك بالعقيـده والايمـان=ودرب النقى والطايلـه والصلاحـي
تقبل عليك العالـم اشكـال والـوان=كريم ما حسبت مـا جـاء وراحـي
للعـز متمركـز وللطيـب عنـوان=وان قمت كم شيخ من اعداك طاحي
ذكرك ينومس في العيينـه وكنـزان=يبقى مع آل سعـود وآل الصباحـي
المدح فيكم عـز ولسانـي حصـان=وان كان قصرنا فنرجـو السماحـي
وختامها صلو علـى نسـل عدنـان=رسول الامـه . ياوجيـه الفلاحـي
آخر المواضيع
ذكرك ينومس في العيينـه وكنـزان=يبقى مع آل سعـود وآل الصباحـي 
