::،،::
السلام عليكم ورحمة الله وبركاته
اخواني وأخواتي هذا اهداء لمن منكم يحب حياة البادية ويطرب لها وهي قصيدة
للشاعر محسن بن علي بن جغيثم السبيعي
أرجو أن تنال اعجابكم
بإسم الكريم اللي له الكل يخضّع=الواحد اللي كلنا نستعينه
اللي له المخلوق يسجد ويركّع=ويرجي ثوابه لين يأتي يقينه
بديت قافٍ زين وفيه أتوقّع=من خيفتي نقد الأمور الفطينه
ويا مل قلبٍ في البداوة تولّع=عاف القصور وعاف جو المدينه
الله على بيتٍ جديدٍ مروبّع=سدو اليدين ولا سدته المكينه
في ضف عرقوبٍ مشيّد مرفّع=حتى رواقه من ورى رافعينه
له ربعةٍ جت للنشاما مجمّع=يلقون البن بهيل وحيلٍ سمينه
ولامن عمود الصبح بالنور شلّع=يجذبك حس النجر بثلث الدنينه
وسوالفٍ تعجبك ياللي تسمّع=مهوب فيلم مسلسلٍ عارضينه
وألا مجلاتٍ تباع وتوزّع=خليعةٍ فيها السموم الدفينه
لامن خطو العود بمركاه كوّع=وجاب السوالف والعلوم الثمينه
تطرب لها وتقوم تجلس تربّع=ويشتاق بالك للعلوم الحسينه
والله على ذودٍ من الوسم ربّع=بين الشفا والعرق يا عارفينه
تسعين مجهم ما عدا ست وأربّع=ذولي مغاتيرٍ مع الذود عينه
لامن فحلها هاج وجاك يتقضّع=كن الرعد بأطرافها سامعينه
لونه جناح غراب وصدره موسّع=وعنقه طويل وجرم كبر السفينه
واذنين روس حراب في السنك توضّع=ودك تخايل عرض خده وزينه
وعرنون خشمه سلة اللي ملمّع=سيفٍ هديه بالذهب طامسينه
وراعيه قرمٍ بالشجاعه مطبّع=سيفه معه ومخيره في يمينه
منوتك لا قالوا ترى البوش زوّع=خذوه قومٍ بالرمك كاسبيه
ما يتقي في الهوش له قلبٍ أصمع=ما يتقي لو كان تقطع وتينه
ولامن سحاب الوسم قام يتقشّع=يرعد ويبرق والوهد ملحفينه
وشفت عشب الروض نبته تنوّع=سبحان من سواه وأنزل غشينه
وإن جيت بالمشراف قمت أتطلّع=وشفت الطوارف والسلف والضعينه
أخير من بيتٍ جداره تصدّع=وراعيه مغبون في في بنيه وطينه
وصلوا على اللي للمخاليق تشفّع=رسولنا اللي نتبع رسم دينه
عداد من صلى وحج وتودّع=وزار المشاعر كلها والمدينه
تم التعديل بواسطة / الساهرة
آخر المواضيع
حياة الباديه الجميله 
