سعودية ... في امريتسه ( رواية من التراث السديراوي)

رواية يديده من روايات عبير


موسيقى المقدمه طن طرارارم طن طن -





ياجماعة الربع انا مشكلتي مشكلة .. كنت رايحة بعثه لامريتسه ومنقطعن قلبي ابي اعيش زي العالم والناس خلاص مليت هالعيشه ابي اغير
المهم لقيت لي بيت شعبي على قد دراهمي في حاره في لاص فيقاص اثاثه زين وطراحاته منجده واهم شي الحمامات وانتم بكرامه سيفوناتها تنسحب مع اني كنت ابي حمام عربي<---- احسه يفهم علي .. ازين مايندرى وش ورى هالامريكان هربز والا ايدز الله يكفينا الشر.




المشهد الأول ون تو ثري اكشن


ذاك اليوم عاد كنت منسدحه عند التي في ( يمديكم على اللغة ) سدحه ملؤها العجز

قعدت افكر واحاتسي نفسي الحين انتي وش جايبتس فيذا ؟
مهوب انتي جايه توسعين صدرتس وتعوضين الاربعين سنه اللي عشتيها تحت صهيل المكيفات الصحراويه وبين جدران غرفتس وجدرانها ذوات المشق وتحت وطأة اخوانتس اللي ما يتفاهمون الا بالعقال وان كانوا لطيفين مره يتعاملون بالنعال ( وجه خانقته العبره)
ما انسى يالدحمي يوم تشق وجهي بالبياله عشان الشاهي زايدن حلاه شوي حتى اذكر استنجدت بك وقلت من يقول الشاهي ما يكمل حلاه لكن البياله كانت اسرع وتركت بصمه اذكرك فيها يالدحمي طول عمري فوق حاجبي الاوسط لاتقولون وشلون اوسط عاد جاكم العلم

وما انسى يا محيميد يوم تنساب بقايا شعري ( اللي حاتن خلقه من موية البرتسه في نخلنا ) بين مصابعك نتيجة لمعطة عامودية كل هذا يا محيميد عشاني رديت على التلفون ويوم قلت :الو قال هو : ممكن نتعرف
طيب وش دخلني انا موب ذنبي ان صوتي يفتن <--- ياشيخه
يعني باختصار اذا جيت بطلع بطاقة احوال بيحتارون اي علامة فارقة يحطون بس القرعه تفك ازمه

طيب يابنت ( ايه هين ) أما آن للمسلسات المكسيسة اللي ماتفوتين ولا حلقه منها أن تطبق على ارض الواقع

عيشي شبابتس وانسي ماضي بيوت دخنه اربعين سنه راحت وانتي عايشه على زول ولد الجيران لاتخلين الاربعين الجايه تروح بعد
وارتسمت على برطمي ابتسامه خبيثة

المشهد الثاني ان دو تروا اكشن


نقزت من محلي وطليت من الدريشه لقيت ولد جيراننا سميث بن وليام قاعد يسقي الثيل ومعه تسلب كبر الخروف النعيمي ياحبهم للتسلاب بعد احس لو بقول يا سميث يا دوق بيستانس <--سعوديه صدز
طيب الحين وشلون؟ اطلع واتميلح ؟
فكره اطلع كني بكب الزباله
واقوم اربط كيس الزباله واطلع واروح انصى البرميل ..ثمن وانا راجعه التفت هو علي وقال قود مورننق قمت رديت من دون رايي : هلا والله قال: وت ؟ قلت : ابد اقول لايت مورننق قال : وت لايت مورننق قلت لحووول والله البلشه وش اقول الحين؟ وشلون اشرح له صباح النور
قلت له : اي مين يو تو رد وقال: يو تو والا يو ثري <--خفيف طينه بعد تسبدي
قال لي: وش رايك تفطرين عندي قلت اي كانت ياشيخ ذي فيها قبايل
قال : طيب انا كل يوم اتمشى على البحر تجين تعملين سبورت معي قلت له In front قال : وت ؟ عز الله ورطت وشلون بشرح له " قدااام " ؟ قلت : اوكي ( هذا اللي ربي قدرني عليه )
ثمن قعد يطالع في جلابيتي قلت له : اني ثنق رونق يالاخو ؟ قال : بصراحه ما يصلح تسوين رياضه بهالملابس انا طبعا طاح وجهي بس قلت : هذي ملابس تنكرية اصلا ..وانا لابستها لانها تمثل التراديشونال قال : ليه؟ اليوم فيه هلوين ؟ قلت : عندنا بالسعوديه كل يوم فيه هلوين
قال : طيب ما ينفع للبحر تراه قلت: طيب وش البس قال : شورت
<--طبعا أنا وجهي صار تسذا من الروعه
لايروح بالكم بعيد ترى روعتي ذي سبتها اني مستحيه يشوف ركبي السود ثمن تحوم تسبده
وش السواة ؟
قال يالله انا بروح البس واحتريتس
رحت ارررررركض حاطه رجلي واقعد افرك ركبي بتايد مبيض بس ماش ما فاد الا زادت سواد
قلت بس مالها الا رجالها واقوم امرطخ ركبي بكريمات الاساس اللي عندي كلها حتى الكونسيلر حق العيون حطيته صحيح ان ركبي صارت رماديه بس اهون
المهم واروح اطق الشورت اليموني والله من الثقه بعد وتي شيرت اصفر بعد بس مهوب نفس الدرجه يقاللي كشخه رايحه ادور نفس اللون مالت علي
وانفش شوشتي واطلع
والقاه واقف يحتريني قال يالله مشينا قلت لا انت امش قدام وانا ورى ( مازال يخالجني شعور بوجود الهيئه تتربص بنا من خلف اي عاير ) قال : تستهبلين انتي ؟ قلت: ايه استهبل ومشينا وقعد يخرط علي عن القردات فرند اللي كان يعرفهم عاد انا زعلت مسويه فيها غايره <--- نو ثقل
قال وانتي كم واحد حبيتي قلت : اخ بس لو يسمعك أخوي محيميد قال: هو از مهيميد ؟ قلت : هذا ماي برذر قال يحليله شكله عارف قصص حبك كلها قلت : يييييييس ذير از نو نيد ( الترجمه : ايييه ما يحتاج )
قلت : شف بصراحه انا اول حب في حياتي لواحد يقالله حمد ولد جارنا قال : نايس .. وجبتي منه عيال ؟ قلت احترم نفسك

المشهد الثالث ثري تو ون طرقععععع اكشن


( البحر ذو الامواج المتلألأه والرمل الابيض اللي تشوف وجهك فيه مهوب زي الهاف مون الله يخلف ما تمشي الا على قواطي ببس )

تعبنا وجلسنا على الرمل طبعا انا بحلت مدري وشلون اجلس مابي ركبي تباااااااااان ياخزياه بس
قعد يقز فيني ياربيييييييه وش اسوي قلت :سي ذا سي لو سمحت قال لي : يور ايز از ماي سي وعيونك فيها عمق عجيب قلت حشى دزليب ذي مهيب عيون
قال : وت از ذا دزليب ؟ قلت : ابد هذا شي مره حلو واعمق من البحر قال : نايس
قال : الشورت هذا واسع عليك .. اكيد انه موضه عندكم قلت : ما يحتاج حتى نسميه سروال سنه عندنا
قعد يتأمل في خشتي وانا احاول اغطي اكبر قدر من الفلقات بالشعر قام اشر على فلقه الدحمي وقال وت از ذس قلت : هاه ؟ ممممممم مممممم ابد هذي وانا اتزلج في جبال جليديه عندنا بالسعوديه زلقت وصكيت لي في شجرة ترنج قال : وت از ترنج ؟ قلت : بيق ليمون قال : ماشاء الله <--هذي عاد من عندي
بعدين قعد يطالع فيني ويقز ثمن قال : يور بيتوفول قلت الله مير يسلمك وطبعا انا الابتسامه شاقه وجهي شق .. قال : لحظه ذير از سمثنق قرين ان يور تووث ياخزياااااااه شاف بقدونس ناشب بضروسي قلت مافيها شي هذا بقدونس مفيد للصحه الله من زين التصريف ياشيخه واقوم القط هالبقدونسه بلساني وابلعها<-- الله يقرفتس ياشيخه
قال لي وش رايك نسبح ؟ جايبه مايوه ؟ قلت عندي مايوه اسلامي الحين يالله رقعنا الركب وش يرقع جلدي المشطب والله لو اتروش بكريم اساس ما راحت قلت معليش اخوي سميث خلها وقت ثاني يكون البحر اهدى من كذا ( الله من الهلس )
قلت: الله يخليك قم نجلس تحت المظله حرقتني الشمس قال : بالعكس الحين الشمس نتشفقها وانتي تقولين مظله ؟ خلينا ناخذ تان قلت اييييييه بالحيل .. ياسموثتي اانا ماخذه تان من يومني في بطن امي يكون بعلمك .. وامي الله يهديها مزوده التان في ركبي يعني لو بقعد زود في الشمس بصير خاله قال : وت از خاله ؟ قلت يعني نقرررره قال طيب قوه مشينا
يوم قمنا قال على فكره عصاقيلتس فري نايس قلت جربها انها تقرمش <--انثبري
قال حتى ريحة عطرك حلوه قلت :ايه هذا عطر مشهور عندنا اسمه مغاسل بارفان قال: والله عندكم حاجات حلوه
سألني وش تحفظين أغاني ؟ قلت فيه اغنيه رهيبه اسمها : The hawa comes from zenjabar قال : وااااو نايس
قلت: جعلك ماتشوف من يغنيها
قال طيب انا سامع ان الحريم عندك ممنوعين من السواقه مدري يمكنني غلطان قلت : وش اللي غلطان ؟ الا غلطان ونص بعد بس حريمنا الله يهديهم راعين برستيج ..يحبون يكشخون بالسواويق ]

المألف باء تاء اكشششششششنشهد الاخير


وصلنا البيت بعد يوم حافل بالملوخيه بالأنارب
وقبل ما كلن يروح بيته التفت وقال باللهجه السديراوية البحته اسمعي يابنت الناس تراني انا سعودي بس جدة امي شامية عشان تسذا تلقيني احمر اعطر وسامحينا على المقلب الحلو صراحه
انا طبعا وجهي صار كذا وقلت لااااااااااااه ؟ انطل الرقم احسن ؟
فارق عن وجهي جااااااااااعلك الماحي انت وعيونك الزرق اللي كنها عيون قطو معوق يا دزليل الحيا معاد الا هي !! سعودي !!




The End

من مواضيع كلي فداك
0 قلمك هو لسان حالك فى المنتديات
0 عيدية العيــــد (للمـــــدير) ^_^
0 زواج هواة أفلام الرعب بستايل دراكولا !!!!!
0 لاعبين المنتخب القطري لخليجي18مصادر موثوقه
0 لاتحسبني يوم انا اطريـك مغليـك

توقيع كلي فداك

الله يونس قلبك مثل ماونستيني كلي فداك


لاهنتي

من مواضيع شموخ العز
0 إعرف قيمة نفسك!!
0 صــوره واقــعــيــه للـخــيــانــة الــزوجــيـــه !!
0 وحده انسرقت شنطتها مقهووورة
0 كيف تصبح كاتب قصة ؟؟؟
0 من غرائب اللغة العربية

ياحليلج يا كلي فداك ذبحتينااااا من الضحك

تسلمين يا شيخة القصص

من مواضيع ورد جوري
0 اليونان تستهل حملة الدفاع عن لقبها
0 سياره فضيعه ..حق اعضاء المنتدى
0 حكّـــــام كاس خليجـــــــــــــي 18
0 تعال نعلمك اهم الكلمات اليابانية , اكتبها والفظها في الحال
0 المنافسه تصل الى العمائر السكنيه

توقيع ورد جوري

شمعة البدو عضو محد حوووووووووووووله مشكوووووووووورين وعسى دووووووووووم هاالضحكة




ملكة القصص

من مواضيع كلي فداك
0 رسالة إليك أيها العاق / للشيخ عبدالعزيز آل الشيخ
0 مزيد من الاجر في اقل وقت
0 حررررام ^_^
0 الجزء [12] من قصة سحـــابة صيــف
0 الصـــــلاه في تـــونـــس .. بـ بطــاقه ..!!

الله يقطع بليسك كلي قاعده اضحك بالحالي كني خبل خخخخخخخخخخخخخخخخخخخخخخخخ

ررررررررررررررروعه تسلمين كلي

من مواضيع سود الهدب
0 صورة افضل منتدى لايفوتكم
0 ㄨملاهي فوق ناطحات السحابㄨ
0 من الطارق...؟؟
0 شعار كاس الخليج اليديد مسرووووووق...!!
0 ابدأ رحلة الهجرة النبوية الشريفة مع أبنائك

توقيع سود الهدب

تسلمين سود عسى دووووووووووم

من مواضيع كلي فداك
0 خليجين مزاجيين^_*
0 الجزء [10] من قصة سحـــابة صيــف
0 اللي مايعرف الصقر يشويه
0 الجزء [14] من قصة سحـــابة صيــف
0 قصة الأعمى و الرجل !!