ماني بشرواك وانت اللي رضيت الهوان =وانا لـو انـك تحرمهـا علـى بحتهـا

يالله يالله جورك من صـدوف الزمـان =اذنوب لـك بحتهـا واذنـوب مابحتهـا
وانت الامين وبذكرك مايضيع الامـان =كم نفس تذنب وعقب الذنـب سامحتهـا
لوكـل غلطـان بالله اتكـل واستعـان =رشحت نفسي على مـا اريـد رشحتهـا
معـاد يحتـاج لمـدرس ولا ترجمـان =السالفـه واضحـه بالنطـق وضحتهـا
لكـن حلـل مفاهيـم الخفـى والبيـان =قصيدتـي تـو عينـك وانـت نقحتهـا
صدقتكم يوم قلتو لي صهيـل الحصـان =واثر الحصان المسمـى فوقهـا تحتهـا
ياللي سريتو ظلام الليل والصبـح بـان =سرتكـم الذاهبـه وشلـون سرحتـهـا
ياوارد العـد بتعـود وقلبـك ضمـان =جنـازة الشيـخ بالتهلـيـل سنحتـهـا
عشرك بترجع بحول الله عليكـم ثمـان =والصاقطه في عيـون القـوم نجحتهـا
ماني بشرواك وانت اللي رضيت الهوان =وانا لـو انـك تحرمهـا علـى بحتهـا
خذيت فنجال ابو زيـد الهلالـي عيـان =ولا تغانيـت بربـاهـا ولا سحتـهـا
ان كـان عاداتنـا يايـام قتـل الجبـان =جثت جبـان العـرب يايـام شرحتهـا
كان اجبن الناس وارداها وساسه طمـان =وانا لو ارفـع يمينـي فـوق ماطحتهـا
الجن مخلوق مثل الانس والانـس جـان =وانت الله يقل حيلـك بالخشـب لحتهـا
حنا نعرف العرب والا انت عظمك ليان =سفينتـك للجـزر والـمـد نطحتـهـا
لكن شوري عليك ان كان مالـك مكـان =اقـف بمطايـاك وان قفيـت ربحتهـا
خل المنايا وعـود صـوب يـادان دان =سوالـف الغـدر بالتضليـل ملحتـهـا
ياعلي بن مشرف انت اللي كسبت الرهان =والكفـه الراجحـه يالحـر رجحتـهـا
وانا ادري انك من اسلالة طوال اليمـان =من لابـة بالكـلام الـذرب صبحتهـا