أبعتذر ياسيدي عن العتاب *وعن الخفوق بغيبتك ليه يطريك
وعن الهوى ابعتذر والصبر ذاب *وأبعتذر لأنني دوم أحتريك
مكانتك بين الثريا والسحاب *واعرف ترى مابعتك أنا مشتريك
أدري غلط عشقك لأنه سراب *وأدري هوى قلبك ماهو لي شريك
أجيك من لهفتي ماأحسب حساب *أجي محتارة أبيك..لا ما أبيك
عشت العذاب لكن أحلى عذاب *لك أشتكي ومنك أشتكي وأشكي عليك
تغيب وتغيب وما يكفيك غياب *لو ماتجي أو ماتبي أنا أجيك
تدري عليك أغار حتى من الثياب *قلبي بشوقه يموت منك وعليك
حبك متاهة وأسى حبك اغتراب *حبك ذنب عنه بتوب الله يهديك
أرسلت لك نظرة وأبغي الجواب *من بعد هذا يالغلا تظن التقيك ؟!
تم التنسيق والنقل بواسطة / الساهرة
آخر المواضيع
أبعتذر ياسيدي عن العتاب= 
رد : أبعتذر ياسيدي عن العتاب= 
