قصة سعودي ليلة عرسه روعه ههههههههههههههه
--------------------------------------------------------
هذا واحد توه معرس وخلصت الزفه والامور اللي بالقصر اخونا في الله شغل اخذ حرمته
وركبوا السياره ودعس للقصيم , يعني اهل العروسه في الرياض وهو ساكن في القصيم ...
والبنيه تستحي وساكته طول الطريق .........
والرجال ما غير يسولف ويهذر , والبنيه ساكته ......... ما حولك احد ..........
الرجال يأس من البنت انها تتكلم ......... وقال يا ولد ماوراها هذره اشغل المسجل وامسك
الخط ...............
في الوقت نفسه البنت كانت ( تبي الحمام ) اكرمكم الله ومتوهقه انها تتكلم عشان تقول له
ابي الحمام ............
عاد هي طمرت على المرتبه اللي ورا عشان تنسدح ويخف عليها الوجع اللين يوصلون
لمحطه ...............
المهم الرجال ما وعى الا وهاذيك محطه ويصفط عندها وينزل للبقاله ياخذ له كم كيس
فصفص وكم علبة بيبسي للطريق هو كان وده ياخذ له شريط يسليه بالطريق بس
خبركم ما يصلح يشغل شريط والافضل يخليها سواليف ...................
البنت على نزلت زوجها الا وتقز هاذيك الحمامات حقات الحريم اللي عند المسجد اللي
جنب البقاله قالت لنفسها يابنت يمديني اطمر واخلص وارجع قبل لا يرجع هو من البقاله
المهم المسكينه راحت واخذت وقتها ...............
اخينا في هالوقت قد رجع للسياره وعلى باله مرته في المرتبه اللي ورا وخبركم عبايه
سودا وآخر الليل ما انتبه انه مهيب في السياره وهو شغل ودعس ................
البنيه المسكينه طلعت وهي مرتااااااااااااحه وتناظر يابنت وين السياره ..........
وتتلفت ماتشوف غير الهنود حق المحطه وابو يمن حق البقاله ..... عاااااااااد تخيلوا
الصدمه يوم عرفت ان زوجها دق سلف ومشى ..........
جالسه تتأمل المسكينه في نفسها يمكن راح منا ولا منا وبيرجع شوي ما وعت
الا ذاك الجمس المقبل يوم وقفوا عند البقاله اللي جنبها وتقز الحريم اللي في الجمس .........
قالت زيييييييييين عائله وتروح وترمى نفسها على الحرمه اللي قدام وهي ام العيله
وتقول لها خالتي انا داخله على الله ثم عليك ................وهذي قصتي والعجوز تمسك
راسها وتقول لها يابنيتي انتي تعرفين سيارة زوجك قالت البنيه ايه اعرفها ..........
ويعبون بانزين ويدعسون وراااااااه .............
نعود الان لصاحب الفصفص اخونا في الله مريح وماشي ............
بعد ما لقوه على بعد نص ساعه عاد تخيل عزيزي القارىء انك على طريق القصيم
وفجأه وراك جمس يكبس بالنور بشكل مخيف يبيك توقف وش ردة فعلك اكيد الرجال دعس
قال ذولا مهابيل بيضروني ومعي عروستي ........... ويا فشيله اذا انطقينا ...........
والجمس وراه داعس يحاول انه يوقفه المهم الذهين اللي يسوق الجمس عرف وش يسوي
فقام يولع نور الجمس اللي داخل عشان يشوف انها عايله واخيرااااااااااا انتبه
ووقف يبي يشوف وش عنده ........... ونزل معصصصصصصصصصب عاد من اللي
متوهق في ها الموقف ........ راعي الجمس يقول في نفسه شلون اقوله ان مرته معنا
يبي يجبها بااااااااسلوب تدريجي عشان ما ينصدم .......... خبركم في مثل ها الموقف
شبيقولون اهل العروسه اخذت بنتنا وضيعتها .......... والله ان تلزق فيك السالفه
طول عمرك والعالم يتمشون وما عندهم سالفه غيرك .............. المهم راعي
الجمس سلم وقال يا اخوي ما كأانك مضيع لك شيء قال المعرس لا والله ما ضيعت
شيء قال متأكد قال المعرس ............ شلون قال راعي الجمس رح طل في
سيارتك شف فيه شيء ناقص لك .......... العريس قام يوسوس حتى المشكله
مرته ما جت على باله المهم راح ودخل سيارته وقال يامره فيه شيء طاح مني
وحنا في المحطه محد رد عليه ويوم لون وجهه بدا يميل للكرت الاحمر ..........
وييييييييييين راحت المره ورجع لراعي الجمس وقال هات السالفه قال يا ولد
مرتك لقيناها في المحطه انا واهلي وقالت لنا انها نزلت للحمام وانت مشيت ولا
دريت عنها ........... عاد العريس كل انواع النفضات نزلت عليه تلعثم ولا قدر يتكلم
المهم راعي الجمس راح وقال للعروسه يلا طسي عند زوجك شوفيه متصومع عليك
المهم العروسه ركبت مع زوجها السياره وانطلق لسانها اللي كان مربوط ..........
وقامت تتعذر له ........... وتقول لا تزعل مني انا كنت مستحيه اقولك اني ابي الحمام .......
وانت ما شاء الله عليك ........... ركبت السياره وانطلقت ( ياشين التميلح توها تتميلح )
ههههههههههههههه ........... عاد انقلب الوضع صار العريس هو اللي مبرطم طول
الطريق والعروسه هي اللي تبربر ما بقي الا تسووووووووووق عشااااااااااان
اخينا في الله يرتاح من اللي حصل .........................
ها شرايكم روعة صح هههههه
شقــــــاويـــــــة
آخر المواضيع
شوفواااااااااا احلى موقف عرسان!!!!! 
