حسافه وصرت ياجاهل تدور أتفه الاسباب =غريبة ماانت عارف هالسوالف ماهي باسلوبي
رسمتك فرحة الدنيا كتبتك اصدق الاحباب = عطيتك فوق حقك والعطا كان اكبر عيوبي
تقول انك جهلت احساس قلبي اللي بغرامك ذاب =وحالي من هيامي في غرامك اثقله فوقي
وقبل ذاك التفاهم والغرام والحب ولاعجاب= وقبل ماكنت انا مبداء قرارك وانت مكتوبي
وقبل ماكنت تحسب لي قبل ما جيك الف حساب = اشوفك قمت تحسب لي وتعد خطاي وذنوبي
وقدرت الحين ياشاطر على الفرقى بدون اسباب =قدرت تقول باان الشك والنسيان عذروبي
واشوفك قمت تلبسني من خيوط الخطايا ثياب=وبايادي شكك تفتش عن الغلطات في جيوبي
ترى واضح تناقضنا حبيبي ايش جاب لجاب = أنا انطر لحظة أشراقك واشوفك تنظر غروبي
تأكد دام قلبك من جنونك بالغدر ماتاب = محال أقنع أنا فيك المشاعر برجعي توبي
ومصير الوقت يكشف لك حقايق قلبك الكذاب = مصير اقدامك بتمشي خطاوي تتجه صوبي
وحشا والله لو تندم وترجع تبدي الاسباب = ورب البيت ما افكر احقق فيك مطلوبي
يكفي ما بدى منك خيانات والم وعتاب = يكفي غلطتي اني رضيتك يوم محبوبي
حبيبي شمسنا غابت واسف لو قمرنا غاب =عسى الله يسمح دروبك وعسى الله يسمح ادروبي
وسلامتكم ….وصح لسان قايلها …شقـــــاويــــــة .
تم تنسيق القصيدة بواسطة / الساهرة
آخر المواضيع
حسااااااااافة!!!!!! 
