زلة رفيقــي تطعــن الصـدر وتروح

أنا إليا أخطى صاحبي قلت مسمــوح = مانــي بمثل أول ... قريـــب مــدايـــه
زلة رفيقــي تطعــن الصـدر وتروح = لاهي آخـر الدنيــا ولاهـي البـدايــه
أذكـر له المـاضي وانا منه مجـروح = من جنس فعله قبل يخطي جزايــه
صــداقتـه تبقى معـي ويـن مـااروح =في فرحتي في ضيقتي في رضايه
وليا عطـاني ســرّ بالسـرّ مـاابــوح = والله لــ يبقى ليـن يدفــن معـــايــه
ماني بخبـل للمسـاكيــن مفضــــوح =في كل سـاعــه جـايـب له روايــه
اجزى شريك العقل والقـلب والروح =بحذف الخطا مـادام يقـدر ورايه
تدرون ليـه أضحك وأباديـه بمزوح =أبيه يترفق و يدمـح خطـايـه
أنا بشــر مثله مغربـل ومشـفــــوح =عـن البشـر وش يرفعـه مستـوايه
أجاوب الورقـا الحـزينه على الدوح = ياشفت لـي عـاجــز بليـا حمـايـــه
ويهــزني يـامرنـي خطــو مملـوح = تهتز ريضـاني ويمطــر سمــايــه
وباالذات أبو رمش ليا أرخاه ذابوح =هذاك عقـب الصمـت يبحـث خفـايـه
ياشفت زوله لااقـدر آقف ولااروح = تيبس أطـرافـي ويسكــر هـــوايـــه
إللي سنا خـده من البرق به ضوح =عيــا يعـالجنـي ويصـــرف دوايــه
أنا كتــاب للمـحبيــن مــفتـــــوح =تعـال واقـــره يـانـديـم القــــرايـــه
تاطى قدم رجلي على كل سـاموح =ماضيّقت عـوج الطلايــب فــضـايـه
وأكبح وأفـرمـل سـالفـة كل مسبـوح = وليـا تمـادى له طلبــت الهــــدايـه
ماأجاري الطرشان والصوت مبحوح =الناس تجـري من وسيله لغايــه
حصّـلت في عمري مـلذات وجـــروح =ودوّجـت بالديـــره ولايـه ولايـه
أضحك وعيني تخفي الحزن والنوح =وعقب التعب ردّيت مـرهق وتايه
ولقيـت حبـر أقــلام الأيـام ممسـوح =خطـوة بدايـه خـاتمتهـا نهــايـــه