ماعاد به حب يالريان والدوحه=من يوم قلبي تعلق في هل الوكره
ومن كثر ما جرب الجيّات والروحه=واللي لقاه امس واللي ينتظر بكره
يفز لامن قريت الاسم في اللوحه=ليه اكتمه كتم لامن فز واحكره
خلوه يطرد ورى شفه ومصلوحه=دام الليالي تناسى ليه تفتكره
ودام العلامات في المفتون مفضوحه=والبيت مفضوح والعنوان والفكره
خلوه ينعم ببعض ايام مملوحه=والعمر محسوب والسكره هي السكره
اخاف من كثر كتم السر لا ابوحه=واخاف من كلمةٍ ما هي بمنذكره
الكلمه اللي كتبت وجات ممسوحه=واذا مسحت الحروف تصير مبتكره
واذا تناسيتها ما هي بممنوحه=وان كان حبيتها ما قلبي بيكره؟؟
لا ذكر زولٍ عليه الناس مشفوحه؟؟=حتى ولو ما يشوف يذوب من ذكره!!
وشلون؟؟ لا حب حبٍ متلفٍ روحه=طيرٍ يحب الهداد ومرهقه وكره
خلاص هوّنت يالريان والدوحه=ببيع بيتي وبشري بيت في الوكره