قصيدة مؤثرة 00 لا تفوتكم

قـــــلت الوداع وجــاوبت دمعة العــين = تجـرح بساتيـــن الخــدود الــنــديه
وغضت وشفت بعينها الحـزن حزنيــن = وصاحت علــى الــفرقــا انا موقويه
وجاوبتها ارجـوك تكفـــين تكفــــــيــن = والله دمـــعك يشعل الــنار فـــــــيه
وقالت تـعاهـدني عـــهـــاد المحـبيـن = والله يخـــون الـــي يخـــون خــويـه
قلت ابـشـري والــلي خلق لاتـظنيــن = حـــــرام مـــاغيرك عشقت ادمــيه
وقصت شعرهـا قلت انا وش تسـوين = قالت ابـي مــن غـــرتي لك هـديه
ونادتني الغربـه على الهم والبـــــين = احــــسب الايــام روحــه وجــــــــيه
وفي كـل ليله ترتسـم بين رمشــيـن = خــيالها بين الرمــوش الشــقــيه
غربة سنه في ذمتي غربــت اسنيـن= متى على الله يلتقي الحي حـيه
خــلاص هانت مابقى غــير يـــوميـن = خــــــــــلاص وقفت غربــه جرهديه
ورجعت شوقي في خفوقي بـراكين= ورجعت انا كلي لــها جاذبيــــــــــــه
وسألت مــاردو وانا اصــيح هـي ويـن = وكلن نثر من داخـــل العــين مـــيه
في معمــت حــزني تلقيت رمحيــن = قـــالو توفت غــــافلتها المنـــــــــيه
وفي غرغـــرتها ماذكرت غير حــرفين = تشهدت باسمك شـفاة البــنـــــيه
وتزاحمت في داخلي الـــف سكــين = والحزن يطــــويني ثمانين طـــــــيه
صدمه وجابتني على الارض نصفين = وشلون راحــــت دون ذنب او خطيه
تكفووون دلوني على القبر هالحين = ماعــــــــــاد فيــــني للصبر مقدريه
ووقفت اطالع قبرها بين نصـــــــبين = وجلست اضم اغلى النصايب عليه
واصيح وشبك ياغلاي ماترديـــــــــن = اشتقت همس شفاك النرجسيه
وشفيك جيت من السفر ماتهلين = ماهي بلك عــــــــــاده ولانتي رديه
وحاولت في لحظه اجرح الــــــدين = وازيح تربة قبرهــــــــــــــــا في يديه
وبلغصب شالوني تقـــل مسكين = واصرخ بهم والله والله حـــــــــــــــيه
واقفت وتاهتبي جميع العناويــــن = والحـــــــــــزن يلعب فيني سامريه
ورجعت لدروب الشقى قبل عامين = مدري من اللي صار فينا ضحـــيه