يمـيـن الله يمـيـن الله لأعلـمـك التـحـدي كـيــف=
واعلمك القصيـد شلـون يخضـع لـي وانـا بنيـه=
واعلمك السما وشلـون تمطـر والليالـي صيـف=
واعـلـمـك الـمـذاهـب الأربـعــه وتـبـيـت الـنـيـه=
انـا بقولـهـا لــك جــد تــرى ماينفـعـك ياحـيـف=
واذا انـك انــس ياعـمـي تـرانـي ســاس جنـيـه=
انا ماراد لك شوري وشـوري مثـل حـد السيـف=
الـيـا مـنـه بـتـر يبـتـر بـوقـت السـلـم والـهـيـه=
يقولون السما زرقا وانـا اقـول البحـر والسيـف=
بهـم نفـس الـزراق اللـي نشوفـه بالسمـا زيــه=
يقولون الفضا واسع وانا اقول المـدى ماشيـف=
اجــل وشـلـون لاشـافـو فضـاهـم للمـتـدى فـيـه=
مداي اكبر من وجيـه بهـا كـذب ونفـاق وزيـف=
وصداي ارحب من نفوس الرجال وكـل نشميـه=
امـد الكـف واراهـن واعـرف صيـغـة التعـريـف=
مــدام ان الـوجـيـه الـســود والكـفـيـن مـقـريـه=
وضوحي مثل عين الشمس مايحتاج للتوصيف=
واعرف ان الجهامه عـن وجيـه القـوم مطويـه=
ترى هـذا قصيـدي جـاك بـلا غـش ولا تحريـف=
واذا منـك لمسـت سهيـل تـعـال وصـافـح يـديـه=
آخر المواضيع
ساس جنية.....الراسية 
