الزفــــــه

ابد ما كنت اظن فيوم شعري في عيونـي يشيـن=
ولا كنت انتظر لو لحظه فيهـا تخوننـي الابيـات=
تبينـي عقب ما صغت الحروف في حبي لج كل حين=
اصيغ في عرسج بغيري قصايـد يالغـلا وزفـات=
ابعرف انتي وش قصدج.. دخيلج انتي وش تبغيـن=
ابعرف بين هالشعـراء لـي يعنـي انـا بالـذات=
لجل تتجدد جروحـي.. لجـل ارجـع ورا لسنيـن=
ابي يطمن قليبج.. ترا جرحج ابـد مـا مـــات=
غرامـج آآآه منــــّه ..مـا تركني ..بسبــتــــّه تطــرين=
كأنه حالف يسهرني واهوا فـي جروحـي يبـات=
تبين الصدق .. انتي من كثر ما في خيالي تجيـن=
احس بكـل ماحولـي يرجـع كـل ماهـو فــات=
اذا انـه حـد نادانـي كأنـــّج انـتـي اتنـاديـن=
واذا انـه حـد زعلنـي طـرت فيـــّامـج الـزلات=
واذا هـل القمـر شفتـج وكنــــْج بليلـج اتهليـن=
يذكرني سكونه يـوم الومج ..والـردود اسكـات=
صراحه كـل شـي خـلاج ويـّا طيفـج اتمريـن=
قصائد.. امكنه .. نكـتــه.. مسلسل..أغنيه.. شـلات=
وانا وش بيدي غير اني اقـول فقلبـي الله يعيـن=
قسم بالله مـو ناقصنـي الا تجينـي فالصّلـوات=
انا حاولت اسوي كل مـا يمكـن لجـل ترضيـن=
بغيـت اتقـرب لقلبـج حبيبـي مـره وامــرات=
وهو المعروف انه الشخص لو سلـّم يمـد يميـن=
انا لـو قلتـي سلّـم باليسـار ابقلـب العـادات=
اجي منــــّي اجي منــــّاك ..ما أدري اجي مـن ويـن=
واذا انـــْها فالخريطه أربعة ويّاج عشر جهــات=
دلع .. بكثر من دلع حسبتــج بنـت سـت سنيـن=
غزل من كثر متغـزل مخلّـص معجـم الكلْمـات=
رومانسيه ..بها مذوب حجر وانتـي ولا تذوبيـن=
وحتى قمت احس اني غلبته قيـس انـا فاوقـات=
مزعل ناس من عقبج ..مهي وحـده ولا ثنــتــيـن=
انـا يلـي مزعلهـن عشـانـج والله بالمـــيّـات=
انا مقصد انقـّص فـي قـدر يلـّي لـه تميليـن=
ولكن ودي اعرف وش من افعالـه علـي فـات=
وانا اللي قلت من قدي.. طلعت ابقصتي المسكيـن=
بكل اللي يصيـر آآنـا معـذب فحسـن الحـالات=
حسبت اقدر على موجج اذا انـــّج بالهوى اتهـيجــين=
نعم مو كل من غاص البحر يرجع معه دانــــات=
تبينـي بعدهـا اكتـب قصيـده فيهـا تنزفـيـن=
اقول الا تبيـــنـي بـس اسطـر فـي رثائـي ابيـات=