[POEM font="Simplified Arabic,5,white,bold,normal" bkcolor="transparent" bkimage="backgrounds/23.gif" border="outset,5,indigo" type=2 line=350% align=center use=ex length=0 char="" num="0,black" filter=""]
فكرت في وقتي بكل التفاكير = ولقيت وقتي فيه عدله وميله
الوقت هو الوقت مابه تغايير= الواقت ثابت والتغير بجيله
وقت (ن) وقف ضد الرجال المناعير= اهل المراجل والعلوم الجزيله
ويعظ نابه ناطحين الطوابير= اهل السيوف المرهفات الصقيله
ويعظ نابه متعبين المباهير= وقت القسى ما شح بنه وهيله
مع واجب الضيفان قدم معاذير = تكرم يمينه ما تمد الهزيله
وشفت الفقير بدون حشمه وتقدير = صار الفقر عذروب واكبر فشيله
اللي من اول مايحسب المخاسير = من يوم قل المال واعزتيله
ناسن مقابيل(ن) وناسن مدابير=كلن قدح زنده براس الفتيله
وناسن مريحين ٍ وناسن مداوير=كلن على ماقيل يسحب شليله
ناسن تغير جعل بامر الولي خير=وكلن شعب فالوقت جيشه وخيله
ناسن تحسب المرجله بالدنانير= من كثر ماله صار صاحب فضيله
عبادة الدرهم وجيه الخنازير= اهل النفوس المبغضه والغليله
كلن يقوم بواجبه كنه امير= من شان ماله من ينادي يجيله
لو إنه مايسوى ولو حبة شعير=عدوه روس النايفات الطويله
عدوه مثل طويق ولا كما النير =وسموه شيخ ٍ فالقسى ينعنيله
لو إن كلن خابر إنه معيثير = ضلع (ن) هيالن قالوا إنه دليله
ياهل البطون وياوساع الحناجير= جعل الشلل فال اليمين البخيله
ولا عسى تكسر من الكتف تكسير = ولا عسى الله له ومثله يزيله
كسر (ن) ماينفع فيه طبن وتجبير = ومن فوق قبره يردمون النثيله
لا صار ماهو مدهل (ن) للمسافير = اظن خير (ن) من قعاده رحيله
ولا صار ماهو مدهل (ن) للمسايير = عساه ما صاب ابرهه فوق فيله
حتى نبشر من يحب التباشير= رجل (ن) ماغره في زمانه حصيله
رجل (ن) على بيره يحط النواعير = هداج تيماء كل حمل (ن) يشيله
ضيفان بيته عند بابه طوابير= يفرح به الللافي وعابر سبيله
ياجاهل الدنيا سواة المواشير =تخلي القوم العزيزه ذليله
سهومها دايم ورودن مصادير = وتبدل الا حوال في كل ليله
تنبيه لاهل العقل والجهل تحذير = والهرج يكفي عن كثيره قليله
عبرت عن ما كنه الصدر تعبير = وكلن على دنياه ربه وكيله
وسلامتكم
مع تحيات الواثق
[/poem]
آخر المواضيع
الوقت والناس 
