هذي القصيده اهداء "لــبــدويه فــول أوبــشــن"
فديت اللي بدى طلعه يميل ويجذب الاعيان=
أنا وشلون أبصبر ياعيوني لا بدى طلعه =
خسر سوق الفواكه من حلاها وأعلن الخسران=
نبت في عودها كل الفواكه وأمتلا فرعه =
تضايق راعي المانجا وراع الخوخ والرمان=
وتضايق راعي التوت الاحيمر وأتلف السلعه =
وصايف جسمها بين العذارى تلفت الاذهان=
مثل نور القمر له بالظلام المنعتم لمعه =
عبارة عن مجسم من خليط الورد والبستان=
ورود ٍ يانعه وأشجارها ماينقطع نبعه =
تقول الله خلقها فول ابشن والبني تايوان=
وش يجيب الصني للحوت(1) بالميزات والسرعه =
ألا يالله صبرك يارفيع المنزله والشان=
قبل لاروح من ترف الحشا روحه بلا رجعه =
مادام انك خلقت المغريات إلهمني السلوان=
بعض خلقك سواة النار وانا عيني لهم شمعه =
أنا لاشفت لي رسمه وخدعه صاغها فنان=
أجر الصوت وخلقك ماهو برسمه ولا خدعه =
كرهت أجلس لحالي من سبايب فكري الهيمان=
ماغير أهرب من الوحده وأدور طاري الجمعه =
أحاول أكتم إهمومي ولا ينفعني الكتمان=
همومي مثل جيش الروس تلحقني على السرعه =
وأنا لو أبدي الشكوى على غيرك أرد حيران=
ولكن ببدي الشكوى عليك .. ويالله الفزعه =
الشاعر/خالد عزيز الديحاني
( 1 ) الصني : سيارة نيسان ...... الحوت : سيارة مرسيدس.
آخر المواضيع
المانجا والخوخ والرمان والتوت 
رد : المانجا والخوخ والرمان والتوت 
