.
السلام عليكم ورحمة الله وبركاته
هذا تصريح منّي سنة ستة والألفين=وتعلنه الأذاعه وتنشره الصحافه
نجوم الليل يالع بهـا جمـر البراكيـن=هذي ما هي روايـات كتّـاب الخرافـه
لا ضاق الصدّر يطلع علي وجهك براهين=وأنا مانيـب أحـب التطفّـل واللقافـه
لو أطلع في الأذاعه تصفّق لـي ملاييـن=بعـد مـات الخليفـه توّليـت الخلافـه
حـروف الأبجديّـه ثمانيـه وعشريـن=ملبسها الجواهر رهـاء مامـن كلافـه
وموّردها عيون السّحاب المـورد الزيـن=ومكسيها الذّهب فوق كرسـيّ الرصافـه
علي ساس الحجر ما نسيّسها علي الطين=زحول الهجس ما تلحق الخاطر حسافـه
تطيع الفكر مثـل السرايـا والسلاطيـن=تهايق بي علي الجدي ويقـه ونصرافـه
وتدفـع للقوافـي وللهاجـوس تثميـن=سوات الصيرفي لا دخل سوق الصرافـه
وتقطف كل ما لاق من ورد البساتين=وتخرف من عذوق النخل في أوّل خرافه
منقيها من العايبـه والمنطـق الشيـن=وصح الله لساني علي الهاجـس وقافـه
وللبيـداء دلايـل وللصفحـه عناوييـن=وللمسلم صلاته علـي طـول المسافـه
نعبد الله ونمسح علي روس المساكيـن=ولا غيـر الله الواحـد الخالـق نخافـه
حدود الجد نجران ألي الجهراء ويبريـن=وفعل(ن)في الرضيمه كثير الناس شافـه
أخذنا ثـار عامـر وغيّرنـا الموازيـن=قبل عبدالله الفيصـل وصلـح العرافـه
أذا عشنا سفاريـن وأن متنـا سفاريـن=ولدّنا مـا يـروم الميوعـه والسّخافـه
تقول العلم بكره وأقـول العلـم ذالحيـن=علي وضح النقاء مـا تعودّنـا الحيافـه
بعد ما كـان بينـي وبينـك ود حرفيـن=أشوفك مثل ما أشـوف عمـال النظافـه
آخر المواضيع
تصريح 2006 
