السلام عليكم ورحمة الله وبركاته
وكل عام وأنتم بخير
والعشر مباركه علي الجميع
والعذر من الأخوان والأخوات لعدم ردي علي قصايدي الأولات
ويعلم الله انها من الظروف وبعد أن شاء الله نتواصل الخير والمحبه
أهداء لكم هذه القصيده
يا مسلم صل فرضك وركعات التراويح=مع العشر التوالي تحرّي ليلة القدر
تهجّد والقدر نور عقبه نسمة الريح=وهمّال السحابه يهل ويشرح الصدر
ونمسي كل ليله ولا ندري مصابيح=تزهّب للمكان الظلام الخافي الحدر
يجيك الموت من دون تبليغ وتصاريح=ولبسّت الحرام وبعض مسك وبعض سدر
قبر تحت الثّري لا ونيس ولا مصابيح=سوي بيض الحساني يا غافل وأنتبه وأدر
تري الشيطان يرمي علي المسلم ملاويح=وآيات الله تحصّن بها من نيّة الغدر
ثقال الغيث قدّام الأنسام المراويح=وصدري فاح مما جري لي فوحة القدر
أوقّف من ذنوبي توال الليل وأطيح=وعسي ليلي تكاشف عليه أشعة البدر
كلام الصدق عكس الدعايه والأمازيح=علي أذنوب كبر الجبال وخاطري كدر
أسنّد كل ما ضاق بالي للطّحاطيح=وصدري ضاق منها وأنا مرهق وأنا سدر
تفجّر في ضميري نبع تيماء ونبع سيح=وللطيّب وللقرم داخل خاطري قدر
علي الدنياء نخاوي الرياجيل الزحاحيح=و أنا لو هي علي الكيف يا خالد ويا بدر
علي جرد السبايا وفوق الفطّر الفيح=يا ليتني شهيد المعارك في ثري بدر
تري الدنيا وديعه ولا منها مرابيح=ونجمع للوريث الذّهب ونسيّس الجدر
واحد قالوا توفّي يغني يا مجاريح=هذي قصّه حقيقه توفّي حادث وخدر
آخر المواضيع
ليلة القدر 
