الـلـوبـي !

العقل بيوت شيوخ والحلم جاسوس=للنفس يقطع من تركها ثواني
خذني وطلعني ولو الهوا كوس=أباتنفس شئ .. صافي وهاني
داخل تصادم فكر ومزاحم نفوس=على فتافيت الغوى والغواني
في هاللوبي كل شئ ضايع ومعكوس=ماكن في هالكون رب وأماني
أثاثه الغامق وتصفيفة الكوس=تدل على ذوق راقي .. وداني
شفهم وشف كيف الفشل يجعل الروس=اشيا .. كماليه مبين الاذاني
وشف كيف هذا ثمل ويعثر ويدوس=على مسمى جده الأولاني
وشف كيف هالشايب برغبته محبوس=تحت شعار أن آخر العمر فاني
أحس عنده عيله .. وبنت عروس=تخجل من أبوها كثير وتعاني
ضحايا نفط وقل طاعه وناموس=والأم كانت طيش والأب أناني
وشف هالجمال اللي مدثر ومحيوس=مثل الكلام اللي بليا معاني
كل الزوايا طافحه قبح ونجوس=تسبح وفي الركن الاخير المواني
واحد يغني وعنده حثاله جلوس=ماكن في هالحياة الا أغاني
ياوخز قلبي وخزة الجرح بالموس=ياعالم ً مافيه حلم وتفاني
في هاللبي مافيه ريس ومريوس=الكل بايع نفس والكل جاني
والكل عنده عذر واهي ومدروس=لوقلت ليه انته كذا قال أعاني ؟؟
انا اللي أعاني من القوس للقوس=هذا مهب جوي ولاهو مكاني
بركض وابي يركض معي ألف فانوس=ألي صباحات الغلا والتهاني
روح معي والواقع أحيان كابوس=وأنا ماحط اللوم على زماني
أحمد ربي كل مادق فانوس=وأعرف حدودي واستحي من كياني
وأصمت ليا جا للحكي روس وعسوس=وأضحك ولو وجهي من البكي حاني
لو كل شئ محسوس ياخوك ملموس ؟=شليت آخر جرح بين المحاني