العيـد خلّـص والاجــازة قليـلـه=
والنفس ماطابت من ديـار الاحبـاب =
والصدرضايـق مالقـا اي حيـلـه=
الاالسفـر لابـد ماعنـه مجـنـاب=
ماهوب ودي بس ويـش الوسيلـه=
لازم نطيع الوقت والوقـت غصّـاب =
والصاحب اللي دمـع عينـه يزيلـه=
بيدينه الثنتين مـن فـوق الاهـداب =
زوّد علـى قلبـي همـومٍ ثقيـلـه=
وسط الحنايا الضو بالجوف شبـاب =
والنظره اللـي يـوم عينـي تخيلـه=
ماكنه اللي كان قبـل امـس جـذاب =
تغيـرت مـن زود هــمٍ يشيـلـه=
وانا من الاحبـاط مقهـور منصـاب =
ياصاحبـي يابـو عيـونٍ كحيـلـه=
دمعك فضح سرّي وسرّك للاصحـاب =
يفداك ابـو يمنـى قصيـره بخيلـه=
اللي عن الضيفان يغلـق للابـواب =
ويفداك ولـد الـلاش راع الرذيلـه=
اللي يدور للردى خـاب ثـم خـاب =
انت الغلا وانـت الـورود الجميلـه=
وانت الدوا لاجيت هديت الاعصـاب =
هوّن على نفسك ومثلـك نجـي لـه=
اخد الوعـد منـي ولانيـب كـذاب =
لاأجلـك اقـدم لـي اجـازه طويلـه=
واحضر لاجل عينك ومن جاك ماغاب =
والعيد خلّص بس وش هو حصيلـه=
الاالتعب ومفـارق اعـز الاحبـاب =
اختيار/ ورد جوري
آخر المواضيع
العيد خلّص 
