مرثيه0000

بسـم الـذي فـرج كـروب الليالـي=اللـي جعـل كـل المخاليـق تنصـاه
ادعيـك يـارب العـلا والجـلالـي=دعـوة ذليـل وصافـيـات نـوايـاه
ترحم عزيز النفس سمـح الخصالـي=شهـم كريـم ومـن صقـور مربـاه
ماينوصـف بالوصـف هـذا محالـي=يامكثـر اوصافـه ومكثـر مـزايـاه
قنـع مـن الدنيـا باقـل الحـلالـي=من اجل يكسـب طاعـة الله ورضـاه
واصبح علـى كـل المخاليـق عالـي=الطيـب والمعـروف والخيـر مبـداه
بـدا حياتـه غالـي ومـات غـالـي=يتلاه ذكر الخيـر فـي وسـط مثـواه
الى وقف في مجلس انهـى السؤالـي=والـى حـداه الوقـت ماقـال ويـلاه
والى بـداه الضيـف جتـه الدلالـي=وشاف الكرم علـى اصولـه ومعنـاه
الشـر مالـه فـي حياتـه مجـالـي=والخير خلفـه فـي مراحـه ومغـداه
القى به الفرحـه الـى ضـاق بالـي=واليوم ضـاق القلـب مالقـي سلـواه
هذاك ابوي اللـي رحـل مابقـا لـي=ياليت له فـدوه مـن المـوت وافـداه
رحل وخـلا الطيـب مـن الفعالـي=وشيـد لنفسـه بيـت عـز وعــلاه
وحلفت مـن بعـده ماشيـل العقالـي=حتى يجيني الموت وامشـي بممشـاه
والله ان يبقـى والـدي فـي خيالـي=ومانساه مهمـا مـر الوقـت مانسـاه
حزين قلبـي واظهـر بوجـه سالـي=وآنوح نـوح الطيـر لا مـر طريـاه
امشي واسولف ماحسب انـي لحالـي=كنـه بجنبـي ميـر ماشفـت طريـاه
اتخيلـه فـي النـوم واقـف قبـالـي=ويقول فعـل الخيـر طيـب ومنجـاه
اتصبـر وصبـري يفـوق الخيـالـي=صبرت صبر ايوب في وقـت بلـواه
لكـن عـزاي انـه مخلـف رجالـي=يحيـون مـاخـلاه ابـوهـم وبـقـاه
صاروا علـى نهجـه بكـل اعتدالـي=حتى اصبحوا في بعض الاحيان شرواه
فـيالله يامنشـي مــزون الخيـالـي=تجعـل جنـان الخلـد موعـد للقيـاه
ادعيك فـي شهـر كثيـر الفضالـي=تجـزاه بالفـردوس يـارب تـجـزاه
وتحفظ عياله مـن صـروف الليالـي=وتنعـم عليهـم بالرخـاء والمعـافـاه