 |
 آخر المواضيع |
|
| تــصــويــر اعــضــاء الــبــدو خاص بتصوير اعضاء البدو |
|| رحلتـــــي لماليزيـــــا ||
|
|
 |
 |
 |
 |
|
|
|| رحلتـــــي لماليزيـــــا ||
|
|
|
|
11-07-2006, 06:16 صباحاً
|
|
 |
السلام عليكم يا احلا اعضاء
قاعده اشيك على الكاميرا وفضي اللي فيها من صور ..
شفت عندي صور من رحلتي الماليزيا قررت انزلها لكم هذا التقرير اللي راح يكون شامل وان شاء الله يعجبكم ...
راح ينضاف مع تقارير ماليزيا السابقه ...
ماليزيــا .. ومثل مايقولون اسيا الحقيقية .. قررنا ان نزورها هالصيف .. وحجزنا التذاكر ع الخطوط الجوية القطريه
وجهزنا الشنط واهم شي بالنسبه لي الكا ميرا اللي راح تنقل لكم الرحلة بالكامل ..
ماراح اطول بالكلام واخليكم مع الصور ..
طبعا الجوال مهم خصوصا ان حنا كنا واجد في الاغلب ندور مع بعض وفي احتمال كبير ان نضيع فاول شي سويناه
طلعنا كــرت .. وغير كذا عشان اكلم شموخي 
كان الاقلاع الساعة 12 ونص ليــلا .. فمان الله يالدوحــــة ..
.. وجبه الفطور ..
الرحلة خذت 7 ساعات .. والهبوط كان الساعة 7 ونص بتوقيتنــا والساعه 12 ونص الظهر بتوقيتهــم .. بينا وبينهم 5 ساعات ..
http://www.albdoo.info/uploaded/2086/01165282377.png
.. في مطار كوالا لمبور ..
بين المطار والعاصمة ساعه تقريبــا بس ماحسينا بالوقت لان الخضــرا هناك خيالية ..
وصلنــا الفندق .. وبعد مارتحت شوي قررت اني اصوره لكم ..
الصراحة الفندق راقـــي ومرتب وماعليه أي كلام ..
.. طاولة الطعــام
.. غرفة النوم ..
ترا كانت مرتبه بس احنا عفسناها شوي ويبالفيت هاي ترتيب سريع للتصوير بس .. <= الله والترتيب عاد
حتى الحمام – وانتو بكرامه – صورته ..
تفضــلو النسكافيه ,, الصراحة انا ماجربته لان شكله مايشجع بس مايخالف انتو تجربونه ..
.. هاي التصوير من الفندق..
بس مدري ليش يتشائموون من الرقم 3 .. لدرجة انهم يحذفونه وينتقلون لرقم 4 .. وهالشي لاحظناه في كذا مكان وهذا الدليل ..
.. حديقــة الطيور ..
يقولون انها اكبر حديقه طيور بالعالم .. خذنا تقريبا ساعتين واحنا ندور فيها.. بس للاسف الجو كان حااااااااار بشكل مو طبيعي ..
كل هالمناظر اللي راح تشوفونها من حديقة الطيور ..
هالمنظــر رهيــب .. واحلى شي قوس قزح ..
بعد ماخلصنا من حديقة الطيور .. رحنا لحديقة الزهور ..
وبعض الاشجار كاتبين عليهم اساميهــم ..
بس ناقصنــا الضفدع ..
وبعدها رحنــا ناخذ غدا من مطعم الطربوش لان واايد مدحوه لنــا وكان يطق مطر .. وهذا احلى شي كل يووم ماشالله لازم يطق مطر,, والصراحة ماعجبنا المطعم كللللللللش فثاني يوم خذنا من مطعم نــاب وهو احلى منه بمليون مرة .. على فكره هم الاثنين جنب بعض ..
sunway lagon ,, من اروع الاماكن الترفيهيه اللي زرناها .. هي عباره عن فندق ومجمع تجاري ومكان ترفيهــي ..
هذا باب المجمع ,,
وهذي هي المدينه الترفيهيـة ..
http://www.albdoo.info/uploaded/2086/61165283387.png
داخل السنواي لاغون في معرض للصخــور والمعرض روووووووعة خصوصا الاضاءه ..
خلصنا من السن واي ..
نروح الحين لحديقة الحيوان .. الحديقه رووعه وكبيـــــرة واحسن شي فيها ان فيها 8 محطات لما الواحد يتعب من المشي يقعد في أي محطه والقطار بين فتره وفتره يمر ياخذك وتقدر تنزل في أي مكان يعجبك ..
اول مرة فحياتي اشوف خنزيـــر والله يلوعوووووووون الكبد من قلب .. انا مدري شلون يشتهون ياكلونهم .. واول ماشفته ذكرني في كرتون وادي الامــان ..
نترككــم مع السيد تيمون ..
http://www.albdoo.info/uploaded/2086/61165284228.png
ماشالله هاي الديك كبير بشكل مو طبيعــي ,,
اول مرة اشووف نمر مدلع نفسه
ننتقل لمصنع الشوكلاه ..
اول ماقال لنا السواق بنروح مصنع الشوكلاه .. كل واحد بدا يتخيل ذاك المصنع اللي يشوف فيه الشوكلاته ذايبه .. لكن في النهايه طلع محل صغيير .. عارضين فيه مجسمات بالشوكلاه ويبيعون فيه منتجاتهم ..
http://www.albdoo.info/uploaded/2086/31165284353.png
وهذا اللي شريناه .. حياكم تفضلـــو ..
.. طرنــا لبيننغ والرحله كانت أقل من ساعه ..
.. وقت الاقلاع ..
.. وقت الهبوط ..
.. في حديقة التوابل ..
الـ GIFT SHOP والكافتيريا يطلون ع البحر واحنا ناكل الايسكريم خذت هالصورة
وهاي بعد شفناه واحنا طالعين من الحديقة ،، يجنن وهو ياكل البندق
.. حديقة الفراشات ..
اللي يخرع في الموضوع ان الفراشات تطير حولك .. وماتخاف منك يعني عاااادي تحصل وحدة فوق راسك
احنا كنا نصرخ جان نحصل تهزيئ محترم من ابوي وعقبها انربط لساننا <= فضحتي روحج يالهبله
وهني اختي حطت الفراشه على يدها عبالها صقر ..
هذي الجرادة كنها ورقه صج غريبة ..
http://www.albdoo.info/uploaded/2086/01165285408.png
.. حديقة الفواكـــه ..
.. القشطـــة ..
http://www.albdoo.info/uploaded/2086/71165285408.png
.. نوع من انواع المانجــا ..
..التين..
بعد مانخلص الجوله في الحديقه يكون فيه بوفيه من الفواكه وعصير طازج من اختيارك ..
في اليوم الثاني رحنــا لبوكيت ميرا .. وهي تبعد عن بيننج بساعة ونص تقريبا .. و هي مثل حديقه كبيرة فيها جزيرة للقرود تروحين لها بالقارب ..
واحنــا في القارب رايحين لجزيرة القرود ..
.. وصلنـــا ..
http://www.albdoo.info/uploaded/2086/51165285517.png
البيبيات يحطونهم في غرف خاصه وعندهم ممرضات خاصه فيهم.. لا ولايفوتكم بعد يشربونهم حليب نيدو ويأكلونهم سيريلاك ..
تمينــا في هالجزيرة ساعه وبعدها جا القارب عشان نروح للضفه الثانيه اللي فيها الحيوانات والالعاب المائية ..
.. في القارب رايحين للجهة الثانيه ..
.. وصلنـــا ..
.. هــذي فنادق للي يبون يباتون فيها .. تشبه فنادق لنكاوي
عند البوابه يبيعون أكل للحيوانات خذنا لهم اكل ودخلنا ..
.. هذي الممرات الي بين الحيوانات ..
.. هالحيوان وااايد يخوف مدري شلون قدرت اصوره ..
.. طلعنا من قسم الحيوانات ورحنا للالعاب ..
.. في التلفريــك ..
.. هذا التصوير من التلفريك للحديقه المائية ..
ادري عيونكم عورتكم 
بعدها رجعنــا لبيينغ بالعباره .. يعني تغيير جينا بالسياره ونرجع بالعبارة .. على فكرة الرجوع بالعباره واايد اقرب ماخذنا غير ربع ساعه بس ..
.. هاي الصورة من العبارة لأعلى مناره في بيننج وهي منارة كومتار ..
.. لاحظو الجــو شلوون .. ماشالله 24 ساعه غيم ..
.. وهذا التصوير من اعلى المنارة ..
.. وكان هذا اخــر يوم لنــا وبعدها رجعنا لكوالا ..
.. الجو كان يجنن والغيووم عجييييبة .. خذت فوق الـ 20 صورة بس للغيوم .. بس حطيت لكم صورتين ..
.. في اليوم الثاني من الوصول ..
رحنا لايقوريـا وهو اكبر تجمع لاسماك القرش في العالم ..
.. هو مثل نفق زجاجي احنا نمشي وهم حولنا ..
وبعدها رحنــا لبرج الاتصالات اللي يعتبر اطول برج في العالم ..
.. صورة من البرج ..
.. هذا شفته واحنا نازلين من البرج فخذت له صوره ..
احسكم بتكفخوني
بعد الابراج رحنا للـ (( ماينــز )) وخذنا ساعه في الطريج .. هو عباره عن مجمع ومدينه ملاهي .. بس المجمع احلى مافيه ان فيه قارب يدور فيك ..
.. هذا المجمع ..
.. وهذي الملاهــي ..
وهذا العلم موجود داخل الملاهي بالورد الصناعي ..
http://www.albdoo.info/uploaded/2086/01165287045.png
.. راح يبدا بعد شوي عرض النوافيـر الراقصة ..
.. وهذي المدينه الثلجيه موجودة داخل بالحديقة .. والبرد فيها مو طبيييييييييييييعي ..
http://www.albdoo.info/uploaded/2086/31165287045.png
.. اليوم اللي بعده رحنــا لـ ( افا موسى ) وهو عباره عن عالم كبير مقسم لخمس اقسام ،، قسم للـ (( الحيوانات ،، الجولف ،، مدينه الكاوبوي ،، وعالم المياه )) ..
والطريق لها من كوالا لمبور ساعه و20 دقيقة
.. الكل يقدر يتصور مع الحيوانات بمبلغ رمزي .. وهذا الولد كان حاب يتصور مع الفيل <= والله مخاطره .. بعد ياريت راكب فوقه لا الاخ شاله بخرطومه ..
.. ها في حد يبي يتصــور ..
هذي الحديقه اغلب اللي فيها عروض .. ( عرض الحيوانات ، وعرض والكاوبوي ، عرض الطيور ، عرض الفيله ) وبعدها ندخل للسفاري بسياره مشبكــة ..
احسكم تقولون شكلها مطولة ..
اليوم الي بعده رحنـا لجنتنغ والطريق لجنتنغ رهيييب لانها منطقه جبليــة لما وصلنا هناك .. كان في خيارين اما ان نروح لها بالتلفريك او بالسياره .. بس احنا اخترنا التلفريك .. وهي مدينه ترفيهيه تجننننننننننننننن ..
http://www.albdoo.info/uploaded/2086/81165287045.png
.. هالمنظر خذته من التلفريك ..
اول مادخلنا شفنا مجسم صغير للمدينه ..
.. هذا الفندق ..
.. هذي اللعبه رهيبـــــــــــة ترددنا وااايد قبل لانركبها بس في النهايه ركبناها ..
.. مدينه الديناصورات .. ندخلها بالقارب ..
.. الصراحة ماصورت صور ثابته واايد في جنتنغ لاني كنت العب بس التصوير اغلبه في الفيديو ..
اليوم اللي بعده رحنا الينابيع الحارة ,, في منهم دافي ومنهم الحار اللي مافي امل تمسكه ..
وبعدها رحنا الشلالات وياكثرالقرود هنــاك مايخلون حد في حاله بس زين انهم يبيعون لهم اكل قبل لاتدخل الشلال وفي الطريج تقعد تأكلهم ..
http://www.albdoo.info/uploaded/2086/51165287170.png
هم سبع شلالات بس لان الطريج وااااااااايد طويل ومتعب بس رحنا اثنيين ..
http://www.albdoo.info/uploaded/2086/61165287170.png
وبعدها رحنا مكاان عجيب غريب هو مثل الحلبه مخصصة للسباق ..
عاد انا مايصير اصور لكم نفسي فصورت سواقنا ..
استحملوني يالغاليين ..
مابقى شي ..
اليوم اللي بعده رحنا الابراج بس عيب الابراج انج لازم تقومين من وقت عشان حجز التذاكر
بس يوصلونا لين هالمرر الي في الطابق ( 41) نتمشى في المرر وعقب ننزل
هالصورة لفندقنا صورته من الممر ..
وهالصورة لحديقة الابراج اللي بننزل لها بعد شوي ..
واحنا نازلين في مكان توقفين عليه ويقيس لج طولج بالنسبه لطول البرجين ..
وصلنا الحديقه وخذت كم من صورة للبرجين اللي هم اعلى ناطحة سحاب في العالم ..
اليوم اللي بعده قررنا نروح المتحف ..
سبحان الله شوفو الزرع من وين طالع ..
متحفهم مرتب ومقسم كذا قسم ,, قسم للحيوانات ,, وقسم لحياتهم الاجتماعيه ,, وقسم للصناعات اليدويه ،، قسم للحرف ،،وقسم للسيارات القديمة يعني واايد اقسام وهو طابقين
وهذي صور مختلفه من الاقسام ..
هالفاكهة مشهوورة بماليزيا بكل مكان نحصلها اسمها الدوريان هم يقولون عنها ( رائحة جهنم وطعم الجنة ) لان ريحتها مب شي ,,
http://www.albdoo.info/uploaded/2086/01165288527.png
اليوم اللي بعده رحنا بوتراجايا وبين العامة وهالمنطقه ساعة وهي مدينة الحكومة وكانت العاصمة قبل كوالالمبور ..
هذا مسجد السلطان واجد مشهور عندهم .. اللي على البحر
وعقب افترينا ساعه الا ربع في القارب وكان مرتب نفس الطياره ,, بس طبعا ماقعدنا داخل تمينا برا عشان نصور ..
وهذي كانت اخر يام لنا في ماليزيــا ..
رتبنا الشنط واستعدينا للعودة ,, 
وصل العشا حياكــم ..
وبعد 7 ساعات وصلنا لارض الوطن ..
ملاحظه / هذا تقرير سويته با الصور اللي مانزلته انا و كلي فداك على الرغم ان بعض الرحلات انذكرت بس هذي صور
مختلفه لان حنا انزل لكم المواضيع وحنا برا في ماليزيا كانت في شويت صعوبه كنا انحاول نختصر في بعض الصور
بس لا تخافون هذي الصور اللي بقت ولي ماشفتوها حبيت احطها لكم في تقرير جديد وبتنسيق مختلف ....
,, وكانت من اجمل المدن اللي زرتهــا .. ووصلنا ديرتنا بالسلامـة ..
واسمحــــــوا لــــــي يالغاليـــــــن ع الاطالـــــة ..
وادري اني عورت عيونكم من كثر الصور .. وادري اني مللتكم بس كل هذا لجل عيونكم ..
واتمنى يعجبكم الموضوع لاني صج تعبت عليه ..
اختكم : ورد جوري
|
 |
 |
 |
 |
|
|
|
|
|
 |
|
|
 |
 |
 |
|
|
 |
|
|
|
|
|
|
|
|
|
|
|
|
رد : || رحلتـــــي لماليزيـــــا || 
