قصيدة في مدح القبايل كلها

سلام يالحضار شبان وكبار
تحية تظفي على من حضرها

اخترت انا من صافي الشعر الاثمار
وقطفت من زين المعاني ثمرها

والشكر كل الشكر للنافع الضار
محي العظام الباليه في حفرها

الواحد المعبود للذنب غفار
لو الذنوب كبار لاشاء غفرها

ونشكر هل الذمه من كبار وصغار
اللى الياعاهدو وفاء ماعقرها

وكل القبايل جانا منهم انصار
وعيب على اللى لابدا ماذكرها

الآد عطا عزوة الضيف والجار
عوقت الخصيم اللى طمع في ديرها

مامنهم اللى بعد ماعاهدو بار
رجال وفوا بالطيب محد جبرها

وجونا الهواجر لابتن كلها خيار
افعالهم بالطيب كل ذكرها

والمره اللى للعداء شري ومرار
عدوهم عينه تزايد كدرها

والاد وائل طيبهم ماله أحكار
يثقل على العدوان دايم ضررها

والا الظفير اللى كما شعلت النار
لاجاء نهار الكون يعرف ظفرها

وشمر هل العادات عبده وسنجار
اوساع الطعون اللى بعيد نظرها

وجونا قحطان منزحت كل غدار
قبيلة خسران منهو غدراها

ودواسر بالسود يرعون الاقفار
يروع الغزاي شوفت اثرها

وسبعان ذبح الكبش لضيوفهم كار
وافعالهم بالطيب محد حكرها

وترا بني خالد مضي عنهم ادوار
اميرهم بيض الحباري حجرها

ولانى بناسي زعب يوم الدخن ثار
تسعين ليله زادها من وبرها

وبني رشيد مطوعت كل جبار
اقولها وعند القبايل خبرها

جانا عداوين على الطيب ثوار
رجالهم درب الصعب ماعسرها

وحرب العريقه يوم زوغات الابصار
غاياتهم بالهوش نثرت حمرها

جانا من العجمان وافين الاشبار
لاجاء نهار الكون تافي شبرها

وامطير حمران النواظر هل الثار
قبيلة يعتز منهو نحرها

سهول لهم بالطيب جولات كثار
وعدوهم عينه تزايد عبرها

وجانا من الحضران حماية الدار
اللى يجيبون الدرر من بحرها

وهذا عتيبه لاعتز كل مغوار
شيوخهم ماتتقي في جبرها

وصف القبايل كلها فيه بحتار
لضيق وقتي قلت انا ابختصرها

مير اسمحولي ياهل الطيب والكار
ومطير الله ينصر اللى نصرها

وصلاة ربي عد ماطاير طار
وعداد نبت البيد وعدة شجرها

على نبي بالبشر راحم بار
الا اهل الشرك الخبيثه حشرها