((((الغفراااااااااااااااااااااااااااااااااان)))))
البروق تلوح في عرض النصوب=ويتقفاها من القبله رعد
والمطر من غرة المزنه صبوب=من شبح في صنعته قام وقعد
كنه الغفران والارض الذنوب=وكن الارض تقول له تكفى بعد
رحمة الله من شمال ومن جنوب=من تهيت له فيبشر بالسعد
ومن تلبس من ثياب الكبر ثوب=لا تفاخر به نزل والا صعد
يحسب انه من سواياه محبوب=مادرى انه من هل الطيب ابتعد
علموه ان العسل من بطن نوب=وان قرصه اصغير النوب ارتعد
لو تشب النار وتهب الهبوب=كل حر نادر جاء في الوعد
الصدوق يبين والخاين كذوب=والنوايب بينتهم ياسعد
وانت من ضمن المطاليق محسوب=مستعد في النوايب مستعد
ترثة اللي قام والصايح طنوب=وانثنى وانا وهو جد وعد
الكفو شرواك يالنادر ينوب=والردي لو عد غيره مايعد
آخر المواضيع
(((((الغفراااااااااااااااااااااااااااااااااان))))) 
