السلام عليك بناء على دعوة الشاعر الكبير شاعر النظم والمحاوره
الشاعر فلاح ال مخلص اصافحكم بهذه القصيده واتمنى اكون عند حسن ظن
الاخ فلاح وحسن ظن الجميع ودخولي في هذا المنتد شرف لي...
دكتور مدري وش اللي قاعد تقوله=خلك بهمك وخل القلب في همه
تسأل وروحي من الهجران مقتوله=وانت الله اشقاك بالفتحه وبالضمه
ماني مع الفعل والفاعل ومفعوله=بالي مع اللي فراقه ذنب ومطمه
دكتور كبدي بعد فرقاه مدبوله=ياليتني من هله والا بني عمه
ماكان غيري من العربان بينوله=نذرٍ نذرته علي من طال لا اخمه
دكتور لو شفت رمش عيونه وطوله=يمكن نسيت النحو واعرابه وعلمه
كاريس بشار والله ماهي بحوله=والا وسوم الطخامه جاته من امه
طرقا وزينه ومملوحه ومقبوله=والزين كاسيه من كمه ليا كمه
والموت لافل فوق المتن مجدوله=والا تبسم وريت البرق من فمه
كني الثنيان لامن ماحسب قوله=سجل وقالوا تسسلل فااحترق دمه
دكتور دنياي عقب الزين مجهوله=ضايع كما ضاع صدام وفنا حلمه
حلمٍ بنيته وحظي ماقوى طوله=واليوم ضاع الامل والعزم والهمه
فايا مبخت اللي وليفه ساكنٍ حوله=لا اشتاق له كلمه وان قابله ضمه
آخر المواضيع
دكتور ومصافحه اولى 
