العظايم مالها غير العظايم

ابتديت القاف من كسب الغنايم=البيوت الوافيه هجسي سبكهــا
لو لي مده عن القيفان صـــايم=هاجسي عين السحابه يدركهــا
لو افسر كل ليله حلم نايــــــــم=دورة الايام مع دورة فلكهـــــــا
فيه ناس اعقولها مثل البهايــم=والحصن تصهل ولا تتبع رمكها
يا فهد وش لك بجماع الهلايــم=الحدايا ما خبرنا اللي شبكهــــا
ما وراهم غير همزات الظلايم=وانت جدك من حكم نجد وملكها
ما يتوب اللي يجمع للنمايـــــم=لو يشيب الراس عاده ما تركها
يحسب(ن)حظه مع الاجواد قايم=سكة الاجواد ما عمره سلكها
والصبر يا ابو هلا ما هوب دايم=نعرف الفضه ولا نجهل تنكها
والعظايم مالها غير العظايــــــم=فرق السمن العرابي عن ودكها
حن هل الارياء وحنا اهل العزايم=نقلب الخطه علي من هو حبكها
مع هل التوحيد لباس العمايـــم=كم ديار(ن)من قسانا ننتهكهـــا
والعفن في وادي الغرات هايم=كل ليل الناس بلسانها علكهــــا
في غياب الناس رماي التهايم=والكفوف ان طوّل الموقف فركها
للعرب يا معرب الجدين لايـــم=سالفه مع سالفه راح وشركها
وما حلا مشي القفر والجو غايم=والعجوز تموت من سبة حنكها