شعر (( بني هاجر )) هذه قبيله عزيزه علي

يالله ياعـالـم بغـيـب الليـالـي=ياواحد(ن) نرجيـه بـاوّل وتالـي
انـك توفقنـي لـدرب الهـدايـه=وانـك تجملنـي لاجابـو مجالـي
شاعر ولامنّـي كتبـت القصيـده=أعيش في جـو القصيـده لحالـي
لاغيّب المسحوب جبت الهجينـي=ولاغيّب الصخري بدعت الهلالـي
ماجيبهـا منّـا ومـنّـا ومـنّـا=ياواقعـيـة فـكـر ولاّّ خيـالـي
لا قرّبت كنها على رمـش عينـي=واليا أبعـدت ماكنّهـاإلا ظلالـي
تحبّني حب الرجـل لابـن عمّـه=واحبّهـا حـب الرجـل للمعالـي
دايـم تقدرنـي وانـا محترمهـا=تاتي قبل ماانطق بكلمة((تعالـي))
أصونهـا واعزهـا واحتميـهـا=واعدها لا من طرى ماطرى لـي
يعني ليامن جيت عند (( محلفنا))=ماجيب غيـر النـادرات الغوالـي
يستاهلون المـدح والمـدح فيهـم=أقل وصف انهم (زحول الرجالي)
زحول الرجال إلا شـوي بحقهـم=يمكن انـا ماقلـت شـي ٍ فبالـي
هواجرن فيهم من الطيـب جمّـه=هواجرن فيهـم شمـوخ الجبالـي
اكبرهم اللي لا احتمى الجال شفته=يقول باعلى الصوت (( ياهمّلالي))
واصغرهم اللي لا نطق له بكلمـه=كنّه يقول الجـال هـذاك جالـي
من دون شايبهم يوقّـف صبيهـم=يعني (صميـدع راس) ولا يبالـي
ومحلهم تلقى بـه العـود الازرق=وتلقى به الشبّه وصفـر الدلالـي
يعني الكرم فيهـم مـن الله جبلّـه=الهاجري يضرب بطيبـه مثالـي
بين الهواجـر والجزالـه علاقـه=علاقتن ماصـار فيهـا انفصالـي
قلته وانـا مـن لابـةٍ ومعروفـه=خيالـة (السمـرا) بيـوم القتالـي
الطيب فينـا والمعـزّه لنـا ورث=متوارثينه مـن عمـام وخوالـي
من ضَد ّنا ماهوب ياطيب حظـه=يشهد لنا ماضـي قديـم الليالـي
وكلّن على ماقيل مـن دون حقـه=والصدق يبقـى والحقايـق تقالـي