قصيــــــــدة في شعله اهل الكرم

الشعله اللي عندنا شانها شان = شعله فخر شعله كرم شعله امجاد
شعله وطن ماهو مثل كل الاوطان = حصل على تشريف تنظيم الاسياد
وقف ولي عهد البلد جنب جوعان = ووقف معه شعب وجماهير وبلاد
سفيرها خذها على الهند لاهان = ومنها على سيؤول مطواف رواد
وحلت واثر شعب الفلبين شفقان = لهم مع التاريخ وقفه وميعاد
من بعدها التمجيد نادى يايابان =في طوكيو كن مجد الالفين يزداد
واستقبلتها الصين والسور طربان = واستاثرت مليار والعشق يزداد
ومكاو كنها تنتظر عده ازمان = صفوا لها بالود شيبان واولاد
ومرت على هونغ كونغ وقالوا بالاحضان = وشعاد لو تمت هنا عام وشعاد
واهل جاكرتا استبشروا شعب واعيان = الخظ جاد ولاكن الوقت ماجاد
وتايلند لو غنت على كل الالحان = ماعبرت من فيض شاعر وقصاد
من بعدها مشهد ضمن رحله ايران = واستقبلتها مهرجانات واعياد
واول خليجيه لها دوله عمان = حفاوه شيوخ ومطاليق واجواد
وراحت عبر حتا الامارات وازدان = وحفل احتفى به جمع وحشود وافراد
وجات الكويت ومرت بقصر دسمان = وتناقلوها رمز دوله وقواد
واضفت على البحرين لولو ومرجان = وللطيب فيها ابعاد وابعاد وابعاد
وجات الرويس وفزت قلوب واذهان = نعتز وحن وشعب على العز معتاد
وجات الزباره وامرحت قدر الامكان = لانها التاريخ من عصر الاجداد
وجات وتلقى وفدها كل هجان = مصدر تراث اجداد بفخر به احفاد
ثم طلعت منها على طول لدخان = ومنها على زكريت وتسير بالكاد
وقام العديد وقومته قومه حصان = يستبشر الشعله على روس الاشهاد
وسرت تبي سيلين عقب المسيان = وامست على المشهاه قبل التهجاد
ويوم اصبحت قالت مسيعيد شتان = مابين قبل تجون وتجون اسياد
من بعدها الوكره عسى الغيث هتان = ياخذ ثلاث شهور بارق ورعاد
لو ولعوا الشعله على راس برزان = كان الزباره عزها بالفخر ناد
ياشيوخنا يامفخره كل ميدان = من عادها بسيوف ورماح وزناد
نادى عليها وانتهض راس لفان =وحاول يبيها الخور لاشك مافاد
عاده تبي الدوحه قبل وقت الاعلان =بدا افتتاح اكبر حفل مر الاسياد
شكرا يابو مشعل لك الشكر عرفان = شكرا عدد ماله عدد بين الاعداد
شكرا تميم الخير والخير مابان = الا عقب وقفتك يانسل الاجواد
شكرا ياجاسم وانت لولاك ماكان = شهد لنا التاريخ هجري وميلاد
والشكر لك موصول يالشيخ جوعان = نقولها شعب وجماهير وبلاد