صـح لسـانـكـم ولاهـانــــت يمنـــــاكـم (( رميزان بن غشام - بنت العين )) 
خـوش مـوضـوع طـال عمــــــركـ وتسـلـــــــــم عليــــــــــــــه 
نـاطــــــريـن جـديـدكـ ((( رميزان بن غشام ))) 
القهوة ....رمز الانسان بالجزيرة العربية ورمز الكرم والشهامة والمرجلة وواجب الظيف وعز المعازيب ....اخترت لكم بعض اللي قالوه جدودنا بالقهوة وعلى الله يعجبكم ..
نبدا باشهر قصيدة بالقهوة وهي قصيدة دغيم الظلماوي ..
يا كليب شب النار يا كليب شبـة
عليك شبة والحطب لك يجابـي
وعلي انا يا كليب هيلـة وحبـة
وعليك تقليـط الـدلال العذابـي
وادغث لها يا كليب من جزل حبة
وشبة ليامن غفـى كـل هابـي
بـاغ ليـا شبيتهـا ثـم قـبـة
تجذب لنا ربع سـرات غيابـي
بنسرية يا كليب صلـف مهبـة
لانسنست لياكن بـه سـم دابـي
سـراة بليـل وناطحيـن مهبـة
متنكفيـن وسوقهـم بالعقـابـي
خطو الولد لوله زبـون وجبـة
ياتي عليهم من حساب الزهابـي
لاباطن الهلبـاج خطـو الجلبـة
يا حلو خبط عصيهم بالركابـي
اطمر لهم وابدي سـلام ومحبـة
لاجو على هجن يديهن خرابـي
بسلام احلى من شخاليـل جبـة
واحلى من السمن الجديد العرابي
مع كبش مصلاح لك الله نجبـة
لا دبر الهيـن كبيـر العلابـي
الوالمة يا كليـب عجـل بصبـة
والرزق عند اللي ينشي السحابي
ويقول ابن حثلين
يا محلا الفنجال مع سجة البال
في مجلس مافية نفس ثقيلـة
ويقول تركي بن حميد من قصيدة طويلة
نومك طرب وانا بنومي هواجيس
ماسهرك بالليل كثـر الهمومـي
اسهر ليا نامت عيون الهراديـس
وبالليل اراعي ساهرات النجومي
قالوا جهلت وقلت جهل بلا قيس
الجاهل اللي ما يعرف اليمومـي
اشوف عدلات الليالـي مقابيـس
ولاحد من الدنيا عظامة سلومـي
الى ان يقول
يجلي صدى قلبي ضبيح المهاريس
لا قام شراب الحشايـش يعومـي
ودلال فوق النار دايـم مجاليـس
اكرامهـن حـق علينـا لزومـي
من صنعة الصبة وخمس التحاميس
بريـة يعمـل بهـا كـل يومـي
وبهارهـا هيـل بليـا حواسيـس
وكيف يعـدا للنشامـى القرومـي
ويقول خلف بن دعيجا
يا شارب الكيف الحمر سو فنجـال
ترا المراجل ساسهـا نيـة الخيـر
فنجال خطو الغشمري يشرح البال
وقت الضحى لا قربت حومة الطير
صبه على شيالة الحمل لـو مـال
زمل الصخاني ما تهاب المخاسير
ويقول دبيس بن مهلهل
وادلتي واقـو صبـره علينـا
خمسين عام ما فهقتة عن النـار
صبة على اللي لا ركب يتبعونة
لانفظواعقب العواني بالانكـار
وعده على اللي دايم ينحرونـه
اللي يشببهـم لياجـوه خطـار
وعده على اللي لابته يمدحونـة
فكاك تال القوم كان الدخن ثـار
واقصر عن اللي ماتعدد فنونـة
مهو على طرق المواجيب صبار
ويقول ابراهيم بن ربيعان
ياما حلى وان حاشك الليل وامسيت
والصبح قمت ليانت بارض بياحـي
وصبيت من ما الشرب ثم توضيـت
وذكرت منهو دايم الـدوم صاحـي
وشطرت نـارك للمعاميـل شبيـت
والارض له يومين عليـه رواحـي
وحمست ما حاشن يدينـك ودقيـت
بنجر طلوع الشمس صوته صياحي
تطرب لصوت مونسك بالتصاويت
ياما حلى صوتـه بهـاك النواحـي
وسويت فنجال على شربـة اشفيـت
يغدي العماس ويودع الراس صاحي
طريقة اعداد القهوة في قصيدة
يا مـن لقلبٍ كل ماالـتمّ الإشفاق,,,,من عام الاول به دواكيك وخفوق
يجاهدجنودٍ في سـواهيج الاطراق ,,,,و يكشف له أسرارٍ كتمهابصندوق-
إلى عنّ له تذكار الأحباب واشتاق,,,, باله وطف بـخاطره طاري الشوق
قربت له من غاية البن مـالاق ,,,, بالكف نـاقيهاعن العذف منسوق
إحمس ثلاث ٍ يانديمي على ساق ,,,,ريحه على جمر الغضايفضح السوق
حذراك و النيةوبالك و الإحـراق,,,,واصحى تـصير بحمسةالبن مطفوق
الى اصفرّ لونه ثم بشّت بالاعراق,,,,وصارت كما الياقوت يطرب له الموق
وعطـّت بريح ٍفـاضح ٍفاخر ٍفـاق,,,,لا عنبر ٍريحه بالا نفاس منشـوق
دقـه بنـجر ٍ يسمعه كـل مشتاق,,,,راع الهـوى يطرب ليادق بخفوق
واحشه بدلـة مـولع ٍ كنها ساق,,,,بـلورة ٍ مـنصوبة ٍ تـقل غرنوق
خلّـه تفـوح وراعي الكيف يشتاق,,,,الى طفح له جوهرٍِ صح له لوق
أصغراقموره كالـزمرد با لأشعاق,,,,وكبارها الطافح كما صافي الموق
زلّـه على وضحا بها خـمسة ارناق,,,,هيل ٍ و مسمار ٍ بالأسباب مسحوق
مع زعفرانٍ والشمطري الى انساق ,,,,ريحه مع العنبرعلىالطاق مطبوق
إلـى اجتمع هـذا وهـذا بتـيفاق,,,,فـصبه كفيت العوق عن كل مخلوق
بفنجال صين ٍ صافي عنه الارماق,,,,تغـضي وكـرسيه غـدان ٍلمعشوق
الى صب فابصر جوهره تقل شبراق,,,,رنق ٍ تصور بالـحمامة على الطوق
شكل غَـرَاالفنجال صبغه كما راق,,,,دمّ الـغزال الى امـّـزع منه معـلوق
خمر ٍ الى منه تـساقى بالارياق,,,,وعليه من ماء صافي الورد مـذلوق
راعيه كنه شارب ٍ ريق ترياق,,,,كاس الطرب واسرور من ذاق له ذوق
يحتاج من خمرالسكارى الى فاق,,,,طـفل ٍ يشف شفاه والعـنق مفـهوق
عبث ٍ يعيل ابـحُبة ٍ منه ما ماق,,,,وهـو يباهي باهـي البدر بشــعوق -
في وجنتيه الى غنج بارق ٍ حاق,,,,عـجل ٍ رفيفه بالطـها الغـرق بطـبوق -
سحر ٍكتب من حبرعينيه باوراق,,,,خـديه صـادين ٍ و نـونين من فـوق
كن العرق بخـدودها حـصّ ارناق,,,,نـثر عـلى صفحات بلـورة الشوق
إلى تبسم شع و أشـرق بالآفاق,,,,نور ٍ يفـوق البـدر سحار منـطــوق
والعنق كن المسك والورس بـراق,,,,مامشخص ٍ في صدره الشاخ مدفوق
يـمشي برفق ٍ خايف ٍ مدمج الساق,,,,يفصم حـجول ٍ هزه الثقل من فوق
الى صفت لك ساعة ٍ و أنت مشتاق,,,,فاقطف زهر مالاق و العمر ملحـوق
فالى حضر ماقلت عندي فالارزاق ,,,, بيدي كـريم ٍ كافـل كل مخلــوق
والله لو يمــشي شقاق ٍ بالأسواق***مـن الملاء مايمسط الخمس مخلوق
هـذا و صلوا عـد ما ناض بـراق***أو ماشكى الفر قا شفيق ٍ لـمشفوق
يحتاج من خمرالسكارى الى فاق,,,,طـفل ٍ يشف شفاه والعـنق مفـهوق
عبث ٍ يعيل ابـحُبة ٍ منه ما ماق,,,,وهـو يباهي باهـي البدر بشــعوق -
في وجنتيه الى غنج بارق ٍ حاق,,,,عـجل ٍ رفيفه بالطـها الغـرق بطـبوق
على النبي مـا زج زاج ٍ با لأوراق***و آلـه و صحبه عد ماسيق مـسيوق
تحيـــــــــــــــــــــــــــااااتي
آخر المواضيع
رد : القهوة العربية .... والشعر الشعبي _ تفضل وشارك لا تبخل علينا_ 
