على وزن اليتيم اللي كتبتـه مامعـاه اخـوان=نويت اكتب مشاعر خاطـر بالحيـل مليوعـي
على شأن الوحيد اللي ذنوبه مالهـا غفـران=ذكرته مانسيتـه لـو ذنوبـه فينـي تروعـي
رقيق احساس والألماس منه يغـار بالأثمـان=كريم في شعـوره بأتجاهـي ماقطـع جوعـي
بخيل بالوصـل للـي تجـرع منـة الحرمـان=تقبلت الكرم بس البخل ماهـو مـن طبوعـي
قبل كانت مشاعـر داخليـه ضامهـا الكتمـان=على صدفه تفجر في حشاي وتوقـد شموعـي
هلا ياوردة في خاطـري ماضمًهـا البستـان=آسج احيان لكن لو ذكرتك ضاعـت سنوعـي
هلا يالؤلؤ المكنـون فـي المحـار يالمرجـان=هلا ياسر سجًـات الخيـال وسبـة فزوعـي
تعال اسكن وسط صدري وبدد وحشة الوجدان=اذا حسيت بالوحـده تسـلا رتـب ضلوعـي
تعال اسكن بصدر ماتمتع فـي دفـأه أنسـان=سوى اللي من عرفت وحبهم بالقلب مشروعي
اي والله اسكن بصدري وانتبه للقلب والشريان=ماهو خوف عليه الا غلاكـم فيـه مزروعـي
يـاورد طايفـي ياجـوري مايزرعـه لبنـان=ياهتـان الربيـع المختلـف بالكـم والنوعـي
لفا طيفـك ولـج بمنزلـك يالغالـي التحنـان=عسى طيفك بشوفك ياشفاة الـروح متبوعـي
لشاعر / عايض المطلق
اختياري / الساهرة
آخر المواضيع
تعال اسكن وسط صدري وبدد وحشة الوجدان 
