شـاعـر الـمـلـيـون

تكفين يا الساحه أبي مسلسل غليس=حتى اتعلم منه مشاهدينه
اذا الوطن لمواطنينه كوابيس=بيحس بالغربه من مواطنينه
تعبت وأنا اعيش خلف الكواليس=ويسند بدوري لاتفه امثلينه
أمثل الشارع واكيل الدواعيس=وأسئل زماني كم بقى من سنينه
يا تل قلبي تلة الهجن فريس=ولا البعير اللي حنينه حنينه
أو تل قرناس مابين القرانيس=مانزلوا من قيمته شابكينه
تشبه نسانيس الصحاري نسانيس=لمكيفات الفاخره في المدينه
الاوله حسب ظروف التضاريس=والثانيه حسب ظروف المكينه
وترى السنين العامره بالنواميس=منى الفقير اللي عيونه حزينه
الا ملك حاجه بعينه لاباليس=صاحوا ورى مايملك براحتينه
لو قصرت كفه عن الكسب 00 أوليس؟=من حقه انه يمتلكها بعينه
ثورة تمني فعلتها الهواجيس=ثارت على قلة كفاءة يدينه
وأنا قريت ان الغنى في القواميس=مثل الفقر رغم أختلاف الثنينه
ان الفقير اللي ماعنده أحاسيس=وان الغني اللي رضوا والدينه
كلام من واقع لكن فيه تلبيس=يحتاج فكر نقحته السكينه
زكاتكم واجب ياصرارة الكيس=وتفكيركم زنديق يا مألهينه
ويقول سيدنا الخضر تقدر تقيس=أنتاج مما تحتويه الخزينه
هدهد سبأ أسلم على يده بلقيس=وفرعون الحد شعب كامل بدينه
ياكوكب الارض الخلايق متاعيس=وبحورك وساع وجبالك متينه
هاجر الى حد النجوم المناكيس=لايوصخونك بالغدر والضغينه
المجتمع أما طغاة او جواسيس=وش هي حدود الشرع يامطبقينه؟
على سفينة نوح من كل جليس=سلام تجلبها رياح السفينه

تـرا خـوة أهـل الطيـب يالطيبيـن أطبـاب=يطـيـب السـقـيـم وخـــوة الاش سـلالــي
تغانم شبابك يا بيض الوجه دامك شـاب=ترى البدر لـو يطلـع قمـر عـود أهلالـي
فلا تهجر المسجد وخلك ورى المحراب=ترى روضـة المسجـد لهـا منـزلٍ عالـي