أبولّعك..!!

ياشيخة الغيد جيتـك شيـخ الاشعـار =أبرقّصك بيـن قرطاسـي وحبـري
بولّعـك فـي دهاليـز الحشـا :نـار =واسلّمك مع هجوس الشعر..امـري!
تفننـي بـي مادامـي فيـك محتـار =ياقصـر دوربٍ توصلنـي لقـبـري
قطفت لك من سماي نجـوم واقمـار =ماهـي بقـدّ المقـام..وربـي ادري
لكن حياتـي كـذا تغريـب واسفـار =أحب اخسر عشـان يـزود قـدري
والبارحه وشوشت لي روس الاشجار =والريح تعبث بها ..والكون مُـزري
قالت:حبيبتك..قلت:النـاي والـطـار =قالت :جميله..وقلت: السر"حصري"!
وترجّل البدر يسمـع عنّـك اسـرار =وغنيت بك..وانفعل:احسن لي اسري!
وقبل يتوارى همس في جد واصـرار =يافهيـد ياليتهـا عـقـدٍ بـصـدري
وتخاصم البحر مـع تسبيـح الانهـار =وضجّت مواويلهم:هالبـر عـذري!
وصاحوا حسد:ليتنا في جسمك صغار =وتمرّنـا دامهـا بـالـدم تـجـري
بالله أجل كيـف ماتبغينـي آغـار... =ليا سألوا :من تكون..وقلت:بـدري!
جيت..اطربيني مابين النـاي والطـار =ون قالـوا: تحبها..بقـول:مـدري!