الـسـلام عـلـيكــم ورحـمـة الـلـه وبــركــاتــــه
محاورة جمعت كلاً من
فضيلة الشيخ الدكتور الشاعر عائض القرنـي
والشاعر تركي الميزاني المعروف بـ (( تركي 2000))
..
...
....
.....
......
.......
.........
...........
تركي الميزاني:
سلام يارمز الأدب والديـن وبحـور القصيـد=يا اللي بنيت أمجاد وصروحا ً ماتمحاها السنين
إنت بزمنا أكبر عطايا وقتنا وأغلـي الرصيـد=ولا أقول غير الله يخليكـم ذخـر للمسلميـن
عايض القرني:
أهلا ًً هلا بالشاعر المقدام والشهم الرشيـد=في حضرتك ننثر سنابل كادهـا والياسميـن
اليا ذكر تركي ذكرنا قصـة القـول المفيـد=أقطف زهور الورد من شعره على مر السنين
تركي الميزاني:
الله يبارك فيك يا اللي كلمـا زادوا تزيـد=وتبني من الأشعار ماتذهل عقول السامعين
النار فاتح بابها والموت في حبل الوريـد=لكن متى تصحي قلوب الغافلين النايميـن
عايض القرني:
ذكرتني بالنابغـة والبحتـري وابـن العميـد=مجالس المأمون فـي بغـداد وأيـام الأميـن
معاوية نمدح علومـه ميـر مانمـدح يزيـد=وش لون نمدح من توهق حيل في قتل الحسين
تركي الميزاني:
هذي شهادة والشهادة منك يادكتور عيد=نبي تعلقها على جدران الزمن للتابعيـن
أحدا ً بهالدنيا شقي وأحدا ً بهالدنيا سعيد=تمر دورات الزمـن والعاقبـة للمتقيـن
عايض القرني:
أبي أرسل الأشواق لكن كيف يحملها البريد=أحسن نوصلها وليلة عيد شوق الطيبيـن
أرجوك خبر كل مخـذول وشيطـان مريـد=قبر الغزاه ديارنا وحنـا عيـال الفاتحيـن
تركي الميزاني:
ضاعت حلول المشكلة ياشيخنا مابه جديـد=إلا غرور أهل اليسار وصمت أصحاب اليمين
مدري نقول لما مضي من وقتنا ليته يعيـد=وإلا عليك نهل كل الدمـع يابـدر وحنيـن
عايض القرني:
الياس ذنب وعندنا أحفـاد المثنـي والوليـد=والشبل من ذاك الأسد وأرض الوطن كله عرين
من يعتصم بالله ربه عاش في عمـره سعيـد=يبشر بحفظ الله له ويكون في حصن حصيـن
تركي الميزاني:
حنا بلشنا بالقريب اللي عرض دون البعيـد=ياصعبها لا حولت مابين خشم وبين عيـن
الجرح مبطي مابرى والصبر ذاب مع الجليد=ولا أقول غير الله يعين القانتين الصابريـن
عايض القرني:
حنا تعودنا على طحن الحجارة والحديـد=ولانخاف الموت لنا للجنـان مسافريـن
عدونـا والله مايحميـه زيـد ولاعبيـد=على جماجمهم نشيد مجدنا الباهي المتين
آخر المواضيع
محاورة: د/عائض القرني X تركي الميزاني 
رد : محاورة: د/عائض القرني X تركي الميزاني 
