اشكرك شقاويه على الموضوع 00 لو يصير تعديل بسيط بدل صور تكون يوميات (يعني سوالف)
والصور تكون اختياريه اللي عنده صور يحطها
انا صراحه ضاع الميموري حق جوالي << قل قسم
صدق ضايع الميموري 00
ولو موجود ماعرف احط صور في الموضوع << مايعرف الا قصايد حبيبي عايشً مع شعب راقي
يومياتي مثل يوميات كل الشباب 00 أيام الدوام روتين بقولكم عن ايام الاجازه احسن
وشوي من بعض اليوميات في الدوام 00
الأجازه 00 انا ماعرف اني في اجازه الا اذا لخبطت نومي
ولا ما احس اني في اجازه
أقوم بدرري الصبح الساعه 2 الليل 00 وكل مره اقوم ذا الحزه القى اهل السعوديه شدو مافيه ألا انا
ولا فيه الا صديقي النت 00 معزب اللي مالقى له معازيب << حتى في موضوع يضحك يقول شعر
وأصلي الفجر والساعه ثمان الصبح اروح اسوي كم شغلة طبعاً لازم امر البنك << حاط عندهم الفين ريال وكل يوم يمرهم
الظاهر اخرتها بيطفشون مني بيصرفونها هلل وبيعطوني اياها في خيشه علشان احس انها كثير
ماودي أطول عن يومياتي في الاجازه 00 بركز على الدوام لان جد فيه مواقف تضحك
شخص عندنا اسمه ابو سعد (والنعم) ماعليك زود 00
ناس يقولون والعلم عند الله انه جاي من كوكب عطارد
جاي للارض عنده دوره وبيرجع
وناس يقولون لا
فيه نيزك ضرب الارض قبل 400 سنه
وكان مدفون وطلع حالته حاله ويكح من الغبار الكوني اللي سببه النيزك
طلع لهم معه دوا كحه فيفادول
هو انسان طيب وعنده فلسفه 00 يعتبر نفسه سلطه مستقله 00 يعني الزملاء في العمل يسلمون على بعض
يقولون صباح الخير 00 هو عامل طناش في حاله ولا يكلم احد
الحظ الحلو
جمعني مع ابو سعد دخلت مكتب بالغلط ولقيته جالس بغيت اطلع قال تعااااااااااااااااااااااااااال
انا خفت صراحه
قلت لا يصكني اشعاع يوديني زحل ولا يطلعني من المجره فــ جيت وسلمت
بدون مقدمات عطاني انتقاد
قال انت ماتحترم المدراء
قلت افا عليك وانا اخوك
هذا وانا اعز المخلوقات الفضائيه
قلت ليش؟؟ وش سويت ؟ قال انت تلبس نظارة شمسيه قدام المدراء << ابو سعد فاهم الاحترام غلط من جد
قلت ياخي ليييييش ؟؟ هذا سيد مكاوي خمسين سنه يلبس نظاره شمسيه محد قال له شئ
قال لااااااااااااااااا سيد مكاوي جزائري وش عليك منه 00 جزائري هاه
قلت طيب ماعلينا << يبي يغير الموضوع 00 هو كان يسمع اغنيه على الراديو 00 قلت الفنان هذا منهو ؟
قال ماتعرفه مااااااااااااتعرفه ؟ << انفعل ابو سعد قلت ياخي والله ماعرفه
قال هذا فنان مشهووور اسمه اسعد رضا
قلت اعوذ بالله 00 وش يبيع هذا ؟ ولا وش يعاني منه بالظبط ؟
قال هو كان يشتغل في الجوازات بس استقال وصار فنان
هذا موقف صار مع ابو سعد وفيه مواقف كثير 00 يحتاج كتاب ابو سعد صراحه مقدر اوفيه حقه بكم كلمه
فيه يوميات ومواقف مع الزملاء غير ابو سعد فيه السيد كبسه وطبعاً السيد عبقري
بس نكتفي بهذا القدر 00
آخر المواضيع
رد : مسابقة للشباب فقط!!!! 
