السلام عليكم مصافحه اولى اتمنى ان تحوز على رضاكم
مل قلب نوى ترك الهوا والغرام= واعترض دون شفه حب بنت بدوي
شفتها في طريقي سارحٍ للدوام= في تقاطع (-) شارع ابن ..........
وقفتهم الاشاره في المواقف الامام= سوبر وارد الممتاز عزمه قوي
يوم مديت شوفي عند ايميني قيام=شفت خشف كوا الخافق وزاد الكوي
ويوم لديت صوبه والتفت لي شمام=قلت اكحًل عيوني والهدف معنوي
لين سلهم بعين فوق حد اللثام=عقبها كبرت اهدافي وزاد نهوي
قلت اشغل بلوتوثي . على وضع عام=يمكن الحظ ذا المرة يجي مستوي
ويوم جتني الاسامي في خبيث الرسام=وشفت في المحتوى (بنت البدو) محتوي
ثم زرقنا الرسايل مثل زرق السهام= لين جاته وشفته للوصل مهتوي
عقبها حرًكوا والقلب فيه انقسام= خايف مايكلم والحظوظ ضعوي
وعقب يومين لاشرب ولابه منام=شفت رقم غريب قلت يمكن خوي
قلت الو. بعدها بادر وقال السلام= يوم سلم رقيق الصوت . فض اسعوي
قالت انت (الشقاوي ) او غلط في الاسام= والشقاوي. صفه في واقعي ونحوي
قلت انا اسمي الشقاوي اي علي بالحرام=وان علمي عقب فرقاش حبلي طوي
قالت انت بدوي. مالحقك الملام = بس عطني خفايا علمك الملتوي
قلت انا يامي . وافخر بصبيان يام= لابة تنعرف لاجا صباح ودوي
وباقي العلم لدي للضوامي الحيام=شفًها شربة من عدكم ترتوي
وان بغيتي نفسرها بسهل الكلام=الله يجيب حبٍش في الحشا مقنوي
ودي اشوف زولش ياضبي العدام=صح شفتش ولكن؟ خافقي ماروي
والله اني شفوق للقا في الختام= وان لفيتي فانا بانذر بذبح (سروي)
ملاحظه: السروي: التيس السمين
المعذره يوم ماقلت العنوان (خايف الشعار) يترصدون لها في الموقع
آخر المواضيع
بنت البدووووو 
