مـنـفـوحــه

منفوحه 00 هي مكان أو لامكان وبمعنى آخر 00 هي مكان في كل مكان

كل دول العالم فيها منفوحه أوروبا وأمريكا فيها منفوحه

دول الشرق الاوسط الكبير فيها منفوحات أكيد وبلا شك

هي منطقه في عاصمة متطورة لبلد متطور 00 سكان العاصمه مايعرفونها

وسكان منفوحه منغلقين على انفسهم 00 آخر اهتماماتهم التواصل مع الآخرين

وقتهم مزحوم ومحدود !! التواصل مع غيرهم يضيع عليهم وقت المفروض يستغلونه

لو جاء أحد ما وسئلنا يستغلونه في ايش ؟؟

نقوله طبعاً وأكيد في البحث العلمي 00 والدراسات ومواكبة عصر ما بعد السرعه

كل واحد ساكن في منفوحه عنده مختبر ودائرة مغلقه (اتصال صوت وصوره)

مع جميع مراكز البحوث في العالم 00 غير اكتشاف النيترون والتيتانيوم

هم مختصين في الالكترونيات الدقيقه (يستعيرونها طبعاً من غيرهم )

عدد المواطنين فيها 4 (ساكنين من ايام بيوت الطين) 00 وعدد الاجانب 100 الف

يعني لو حسبناها بالنسبه والتناسب فيه غلط (حادث مروع )

أغلب انتاجها 00 القطن 0 القمح 0 الممنوعات (منتجات محرمه دولياً أو بضاعه مستعيرينها من غيرهم)



نظامها 00 من سبق لبق 00 وما أخذ بالقوه لا يسترد ألا بالقوه

الأغنيه المفضله للسكان 00 أغنيه ياكلك حبه حبه 00 وأغنية هبيبي يا ناسي

الداخل في منفوحه مفقود 00 والخارج مولود طبعاً 00 وبما انهم مستقلين

انت تعامل معاملة الاجانب 00 تنطبق عليك الانظمه والقوانين الدوليه

القوانين بسيطه عندهم جوالك وسيارتك وفلوسك اللي معاك وقت دخولك

ملك للجميع (نظام اشتراكي الله يرجهم )

تخرج كل سنه دفعات 00 في تخصصات مختلفه

فنان شعبي - لاعب كوره - مصاصين دماء (دراكولا) - علماء فيزياء نوويه - وناس يستعيرون الجوالات طبعاً

اعلنت اكثر من مره منطقه كوارث (فيها براكين خامده تثور حسب الجو)

يحبون النقاش العلمي المفيد 00 مثل من احسن ماجد عبدالله ولا منصور مفتاح؟

من توقع يبدأ بالهجوم النووي الاتحاد السوفيتي أو امريكا؟

وش رايك في فيلم فاتن حمامه الجديد؟

الزمن وقف عندهم سنة 70 00 يسمعون عن الانترنت ( يعتبرونه من الاسرائيليات اللي لا تصدق ولا تكذب )

اذا استعاروا من أحد لاب توب (طبعاً استعاره يرجعونه بعد فتره)

يعاملون الاب توب معاملة الثلاجه (هم صادقين كلها اجهزه)

بس يستغربون من شكله (بعضهم يقول الله واكبر حتى الدفايات صغروها)

منفوحه مكان المبدعين 00 والمفكرين 00 غابت أو غيبت لسبب او لآخر

انا وأنت مانعرفها (مالنا في الطيب نصيب) 00 الابداع يعرفها

هذي هديه بسيطه مني لكل منفوحات العالم 00 المنسيه أكيد


طبعاً واكيد الموضوع من كتابتي 00 بصمة ديزل

تـرا خـوة أهـل الطيـب يالطيبيـن أطبـاب=يطـيـب السـقـيـم وخـــوة الاش سـلالــي
تغانم شبابك يا بيض الوجه دامك شـاب=ترى البدر لـو يطلـع قمـر عـود أهلالـي
فلا تهجر المسجد وخلك ورى المحراب=ترى روضـة المسجـد لهـا منـزلٍ عالـي