زندقــه..!

انـا مـن ليلـة البـارح وانـا مشعلنـي غيابـك = اخاف يطـوّل عتابـك واجـي كلـي واشـعللها..!
تعالي ابتزنـدق واعتكـف فـي وسـط محرابك = تعالـي شاعـرك لاقـام خرّبهـا مـن أولهـا...!
تعالـي فـززي شهـوة شفـاي بنـور عنّـابـك = تعالـي والجنـون اللـي براسـي كلهـا ولهـى!!
امااانه..شوفي : (غصين الغلا يتيمـم اسرابـك) = وانا يحوووووول هالصوره باصعبهـا واسهلهـا..!!
شفاهك..ياشفاهك..ياشفاهك..تـزعـل عْـذابـك =عْذابك..ياعْذابك..ياعْـذابـك..وارجـع اكمـلـهـا:
وارد ارجع..اكرر..!..مـادري بس:ابتغنابـك..! = ومجانيـنٍ براسـي كلهـم قالـوا لـي أزهلهـا..!
وانـا والله لـو درب القبـر يمـر فـي بـابـك = لـ اجيك الصامـل اللـي جنتـه اقـرب مداهلهـا!!
الا بالعنبـو حـيّـك ابسـمـع لك..ابقـرابـك.. = ابي..مدري شـابي..الا ابـي.... ورددي :قلهـا..!
عشان ارتّـب الساحـه مـدام الجمـع متشابـك! =انـا لـو اوصفـك أقسـم قسـم إنـي لعدلهـا...!
تري كل الشعر عبـدٍ يناجـي روعـة أهدابـك.. = سجد مرّه..سالتـه ليـش ..؟ قال:إنـي مزعلّهـا..!
وقلت: إترك عنك حكي الخبول وإشبك ومابـك.. =ترى اجمـل حقيقـه فتنتـك لاصـرت تجهلهـا..!
وانا بقول لـي كلمـه قبـل لاينعـق غرابـك..! =بوصيها..قبـل تهـوي علـى روحـي معاولهـا..:
قسـم بالله لـو مـا تنتهـي تغريـبـة غيـابـك = لاقول انك"........."اقول اسمك واشعللها