وديّ أصغــر...!

اهــداء لمن لم تعجبه قصيدة "زندقه" :)


___________



آآه.. يانصفٍ ذهب..وشلون أعيش..؟
وكيف أغني للفراق..
وللعناق..
وكيف أطيش..؟
آآآه ياذلّ الفراق..!
كل ما أندف من غيومك وطن..
خانني ملح الكلام..
وطحت في فخّ السؤال الصعب
وعيون الأنام..!
ليه هذا الليل موحش
مثل:فرقا..
مثل بيت الطين بعيون الكبار..!
ومثل لمّتنا زماااان
برمضان..
آآآه ليه ودي اصغر حييييييل
ودي اشم "شيلة أمي"!
ودي ألعن سلسفيل الهم..
بس لو أصغر شوّي..!
كان احبك من جديد!
من جديد..
من مراجيح البدايه..
نرجع ../..أصغر..!
واكتبك بين القصايد..بخطّ مايل..
ولانكسر وزن القصيد..اوزنيها بضحكتك..!
بلا "سنون" دوزنيها بلثغتك..!
يوووه ..كني"المحك"بين أطياف"الخيال"!
الا..هذي أنتي..!
الضفاير..
والخدود..!
وثوبك الوردي..
ايه هذي انتي تركضين بين أشجار "الآثل"!
يوم طاردتي الفَراش..!
يوم طاردك النحل..!
وآآآه..يابعد حي الفراش..
ويابعد حي"النخل"..!
طالعينا..صغيّرين..
مرتبين..
مافقدنا غير"بعض اسناننا"!
قبل لانفقد "كثيير"..
كانت أقصى "احلامنا"..متى يجي"يوم الربوع"!
ودي ألثم هالخيال..
ودي أهرب من همومي للمحال..
ودعي الغي رأس همي بإبتهال..
ودي ازرعني وطن..
ودي ازرعك الجبال..!
تذكرين يو رديتي بحاله راجفه..!
يوم مريولك تقطّع من شقاوتك اللذيذه..!
مانسيت "السالفه"..!
ويوم غيم الحكي مرّ وبللك..!
من يومها عرفوا الناس الربيع..!