هدية مودة الى قسم منوعات الشعر

العنود اللي مساء البارح وانا سيد سهرها=اقبلت مثل البياض وودعت مثل برديـــــة
المساء ضج بسوالف عطرها واشعل سفرها=والعروق اللي روت مسيرها خضر وندية
مانشدت اخت المهاه ليامتى حزة خدرها =حد علمي يوم امد لجيدها شرهة ايديــــــــــة
عقدها المغرور تاة بعطرها ولا نحـــــــــرها=ساعة اشرة علية وساعة يشرة عليــــــــــة
كل مالدت على البال والعقد يخزرهــــا=قلت انا ماني خوي عادتة ينسى خويـــــــــــــة
ليتها تدري وعقد الماس لويدري عــذرها=اشهد ان الجمرة اللي في الحشاء منى وفـــــية
من سرت يمي وانا مالي خيار الا قـدرها=كنها كل السنين المقبلة والأوليــــــــــــــــــــــة
من غدت همي وانا مالي ديار الا ديــرها=جالها بين الظلوع الظامية روحة وجـــــــــية
جادل كل الدروب المعشبة تنبت بثــــرها=جت تبي جرح وقصيد وخلت الثنتن ليــــــــــة
من يحدثني حديث الثلج للجمر بثــغرها=والله اني كنت ناوي لي بهاك الجمر نيـــــة
من نشد هاك الوساع الخرس عن دنيا حـورها=وش جمع سحر الغموض بسودها والنرجسيــة
الوكاد اني بشط الكحل غنيت لبحرهـــــا=ماحلا هوسة هدبها والمساء والسامريـــة
من يعلم مستريح الريح عن فوضى شعرها=الحرير اللي كسى هاك المتون العسـجدية
علموة ان مازح الغرى ونشد عن قمــــرها=لايخاف ان شاف ظلما وشاف الشــــــمس حية

يسعد صباحك يا بعد كل عمهوج=يسعد صباحك لو غشا الصبح ظلما
يا بنت كساب الثناء مقدي العوج=وقلوب عدوانه من الغيض تدما
لك بالشرف قدر ومدرارات وبروج=واسم تنومس هيبته بين الاسما
انا دخيل الكحل والعطر والروج=والضحكه اللي قادت العشب للما
لايزعل اللولو يموت ازرق الموج=والحلم يغرق والمجاديف تظما

في زمانٍ كـنّه الـبـرد شـبّـيـت الـقـصـيـد=قـلت ابـدفـا والـلـيـالـي تـمـوت بـبـردهـا
في طـريـقٍ كـنّه الـمـوت ولحـالي وحـيد=قـلت ابـحـيـا والـمـنـايـا تـبــوح بـسـدّهـا
أتـقـارب هـقـوة العـمـر لـو كـانـت بعـيـد=واتـغـــنّي بـالـمـقــابـيـل واخــطـب ودّهـا
لاقـديـم الجـرح يقـوى ولاالجـرح الجديد=يخـلـف النـفس العـزيـزه عن اللي ودّهـا
والـله انّي ما تـنـازل ولــي رايٍ عــنـيـد=ليـن أداعب غـرّة الـشـمس والثـم خـدّها
وانـزفي يا وردة الشعـر مـن دم الـوريـد=لا تـجـفّـي في عـــروقٍ تــراجــف يـدّهـا
يا قـصيـدي كان الأشعار سادات وعـبـيد=واللـه انـك من بـحــورغــريــبٍ جـــدّهـا
ما تـقـاود مـهـرة الـحـرف للـقـلب البلـيد=يا قـصـيـدي خـذ رسـنـهـا وخـلّـك قـدّهـا
في طـريـقٍ كـنّه الخـوف سلّـيت الـقصيد=قـلـت ابحـيـا والـلـيـالـي تـمـوت ببـردهـا

من ليم القمراعلى وجه الطريق=واوما لقلبي من بعيد وصاح به
الا انت يا المياس منثور الدليق=نهر الحياة اللي ضماي ارتاح به
خل السوالف ماعليها الا صديق=الصدر دلة للفجوج الراحبه
ان عودت للجد والعلم الوثيق=ما جابه الريح الشمالي راح به
اي والله اعلنها وانا وجهي طليق=والبال غصن كل قمري ناح به
انا من اللي مايخونون الصديق=بوم ولد اللاش خان بصاحبه

قلبي على الماء وقلب الماء على شطك=الماء وانا يا القراح العذب ورادك
كم شالك الحلم باهدابي ولاحطك=والعين يرعى نظرها عشب ميعادك
يا شمسي اللي تدلي بالسماء قرطك=عن كل هالورد هذا القلب عبادك
طلي وهلي على صدر البحر خطك=وش تالي اخبار ريحانك ورينادك
الله على يوم رذاذ الندى عطك=والنور يا طا على رملك وسجادك
انا احسدك ومثلهم والااني اغبطك=الراي رايي او انه راي حسادك

عذب السجــايا وعــوده بـ اول الكنــة=متى تزين الســوالف وآخــذ علــومـة
واسامحة عن خطــاة الجرح والونــّه=واعــاتبــه لو يصــد شــوي والــومـه
واذكــــره بـ اول المسفـــار حتى انــه=اليــا تـذكــر زمــان اول نسـى نومــه
يــوم انه اقبل خـديــن الــروح يومنـه=واقبلت اراعيه والقومه هي القومــه
من يومها والحشــا ماعــاد له خنـــّه=الا لصــوته وميعــاده وملــزومـــه
عفـري هنـف للضلوع وجالهن حنــه=واستانست له فياض القلب ورجومه
لبـّا جبينـــه ليـــا ارتـــج الغطــا كنــه=بــرق ٍ يصب الــرفيـــف بكبد ديمومة
ما اقــول شفته وشفت البيض يتلنــه=اقـول شفته وشفت الشمس منجومه
ما اقــول كــن الجـديــل الليـل لا كنـه=ليــل ٍ خرعــه الظـلام وضيع نجومـه
يا قبلـــة الله هــاك العنقـــود لامنـــه=قــام يتهجــا شــذا عطــره ويشمومه
فيه انتهــى النــور لا والله بـدا منـــه=فجــر ٍ نعــس بالــوريـد ونام بهدومه
ورد ٍ تفـرعن حَمَــــاره قلت ابا كنــه=الى متى والحنــايــا منــه مفطـــومه
فــزّ وتطــرق رطيبــه قلـت ما عنـــه=بالــم شيحــه وريـاحنــه وقيصـومـه
صـد وتلعثـم هـديلـه فـي بـرد سنــــه=ياقـوم ذا النـور يــوم انكـت يا قومـه
الله عطــانيــه والله يعطـــي الجنــــه=واليا استجـد الهوى كل ٍ ومقسومـه

تفهّق الليل الأدلم و الهوا ساكن=وانا هنا يا سبب همِّي و تسهيدي
في خايع ٍ من نفيض الوسم متماكن=نبته يليق بتمدري نافل الجيدي
متموج ٍ بين عشبي و أخضر ٍ داكن=وأمعفّر ٍ من نسايم جرهد البيدي
يا مودّعات السنين من العمر هاكن=تالي تباريح بالي في ضحى عيدي
و يا مدلّهات الحشا مدري وش ألهاكن=أونس بصدري مثل فوح البغاديدي
هيلن علي من رذاذ الحلم يفداكن=وجه ٍ قصر عن حياه و قلب رعديدي
يجلا غثا الكبد يو أشتف من ماكن=شفّ العسل بين أشافي ترفة الغيدي
واللي جمعكن بوسط الصدر و انشاكن=إني لاحطب لرعدكن من تناهيدي
هذي علومي و ستر الله و عفاكن=لحقن مصاديري العطشى مواريدي
وإلا هبوبي رفيعة شان شرواكن=النقص ينقص عن الحروه و انا ازيدي
هيّضني الضلع في كبد الثرى راكن=وان حدّك الضيم قل للضلع يا سيدي
واركيت ظهري على ظل الجبل لكن=ماجت مواعيد ظلّه مع مواعيدي

ويش اسوي لاطريق ولاخوي=لاقرارولاخيار ولا مصير
الليالي تلوي ذراعي لوي=والرفيق السيف يغريه الجفير
والضياع بسكتي يدوي دوي=اتصفق لا سراب ولا غدير
أطوي الظلماوعيت تنطوي=واشتهيت الشوف بعيون الضرير
مثل طيرطاح بيدين بدوي=يلعن الطيحه ولا يقوى المطير
كل يوم آقول باكر تستوي=وخاب ظني بالزمان وبالنصير
كنت انا الصدر الحنون المحتوي=وكنت انا لـاحساسهم سلك الحرير
وصرت انا هاك النحيل المنطوي=تلهث انفاسي ورا حلم كبير
ضاعت الحيلات حيل الله قوي=لاني الأول ولا اظن الأخير
قلت با صرخ وآخر علاجي كوي=وصلت الحلقوم والخاطر كسير
من شرب من كف غيره ما روي=لعنبو كف على المده قصير
لاتعاتب ويش اسوي يا خوي=لاقرار ولا خيار ولا مصير