يوم اني جيت اسايرك واطلب رضـاك=صرتـي عليـه ياغشيمـه تغليـن !
شكلك نسيتي صاحبـك كيـف ربـاك=والظاهر انك مافهمتـي لهـا الحيـن
ماهو بنـا اللـي يتبعـك ويترجـاك=انـا الـذي لارحـت لازم ترجـيـن
ولاهو بنا اللي يـوم غبتـي تمنـاك=انـا الـذي لاغـبـت لازم تمنـيـن
بـدري عليـك آحـن حتـى لذكـراك=وبدري على الذكـرى تخلينـي آليـن
ولو قلبي حن وجاب لي يوم طريـاك=والله لشيله مـع عـروق الشراييـن
لي عزه وقيمـه ولـي قـدر يعـلاك=اعرف كيف اصبر على البعد والبيـن
انـا مطيـري يـوم هـذا وهــذاك=لاصد له ليله , يجـي بعـد يوميـن
واسمي ( فهد صنهات ) مااضن يخفاك=مع جدي ( العفار ) ذيـب الدياحيـن
تدرين انـا ماهمنـي كثـر الامـلاك=وفلوسك اللـي مالهـا عـد تدريـن !
يهمنـي قلبـك وطيـبـك ومـبـداك=حبيتـك لذاتـك مـاهـو للملايـيـن
ويوم انهـا بانـت خوافـي نوايـاك=وعرفت ويش اللـي تبينـه وتنويـن
لو قبض روحي كـان مابيـن يـداك=لما طلبت العفـو والصفـح والليـن
يعني تبا تبطين ماقلـت انـا ابغـاك=اقسـم قسـم بالله يابنـت تبطـيـن
مو مشكله جيتك ابي اطلـب إرضـاك=وانتـي عليّـه ياغشيـمـه تغلـيـن
المشكله انـي علـى طـول ابنسـاك=بس إنتي قولي كيـف بالله تنسيـن ؟
للـشـأعـرٍ:فـهــد الديـحـانـي
اتـمـنى ان تحـوٍزٍ على رٍضآكم
تحيـآتي :فآرٍس آل مـرٍه
آخر المواضيع
يـآغــشــيــمه 
