دمعة ملك ماهي دموع التماسيح

دمعـة ملـك مـا هـي دمـوع التماسيـح = دمعـه مـن اعمـاق المشـاعـر نثـرهـا
دمعـة مـلـك تـبـرا قـلـوب المجـاريـح = ومـن الحيـا يمـسـح بيديـنـه أثـرهـا
دمعـه تزيـح هـمـوم لا يمـكـن تـزيـح = تــروي ظـمـا طفـلـه وتبـعـد كـدرهــا
طفله حضنهـا عطفـه وقلـب ٍ صْحيـح = يـسـأل عليـهـا لـيـن بـاحـت قـهـرهـا
وتقـول ابـويـه مــات بـيـد المكالـيـح = عقبـه يتيمـه .. ابـو متـعـب ذخـرهـا
هـــذاك عـبــدالله بـعـيـد المـطـامـيـح = لأجلـه نصـوغ امـن المعانـي دررهــا
رجحـان عقـلـه نـافـل ٍ كــل ترجـيـح = ولْكـلـمـة التـوحـيـد روحـــه نـذرهــا
ذخر الوطن يسـوى قـروم وزحازيـح =لأجلـه ولأجـل الشعـب عينـه سهرهـا
قلـبـه بــه الايـمـان لا يمـكـن يطـيـح = قـلـب ٍ وســع كــل الـبـلاد وعـمـرهـا
كريـم سبـلـى ضــاري بهـبّـة الـريـح = مــدّات جــوده مــا يـوقّــف مـطـرهـا
من جاه ضايـق راح فرحـان ومْريـح = وكـم كربـة ٍ بأمـره تكاشـف ضررهـا
لاْرهـاب عقبـه يلطـم الـخـد ويصـيـح = احــزاب شتّتـهـا والاخــرى دحـرهــا
اسمـه عـلا فـوق السحـاب المراويـح = نسـل الكـرام اللـي ينـومـس خبـرهـا
آل السعـود اللـي غــدوا كالمصابـيـح = اشبـارهـم مــا كــل شـيـخ ٍ شـبـرهـا
ملـوك ٍ تسلسـل مـن مـلـوك ٍ مفالـيـح = والـدار تشهـد بـدوهـا مَــعْ حضـرهـا
رقوا سنـام المجـد مـن دون تصريـح = وامجـادهـم مــا بــه كـتـاب ٍ سبـرهـا
اهـــل الـثـنـا يستـاهـلـون التـمـاديـح = بالطـيـب والمـعـروف كـلّــن ذكـرهــا
غصب ٍ على الارهاب يبقى الطحاطيح = ولاْحـزاب لــو تكـبـر فـربّـك دمـرهـا
هـذي مشاعـر مـا تبـي زود توضيـح = من شاعـر ٍ صـاغ البيـوت وصخرهـا