مصافحة اولى اتمنى ان ترقى لذائقتكم
خافي الله ياخشوف الريـم يالعيـن الكحيلـه = لعنبو حيـك ضربتينـي ولا رفتـي بحالـي
من تجاهل ضربة الخنجر تروي واشرحي له = خنجر يطعن طرفها من تحت برقـع وشالـي
باسألك يم الرموش العكش في لامـاك حيلـه = ودي اقرب من لهيب الشمس واقلط في الظلالي
خاوي يبغى من الفنجال الاول فاسمحـي لـه = ضامي مايشرب الخمجات يشرب من زلالـي
لك وصوف غامضه مدري وصوف مستحيله =الحـلا والزيـن وانـواع التغنـج والدلالـي
الصدر والردف راهي لا كن القامـه نحيلـه = حرف زد ولين قد وبـرق خـد فـي ليالـي
صاحبك ياراعية الاوصاف قربتـي رحيلـه =هملالـي لاتثنيـتـي بـعـودك همـلالـي
لو يشوفك شيخنا يذبح لـك ابكـاره وحيلـه =ثم يسوق العود الازرق لك مع صفر الدلالـي
ومن جمالك لو يشوفك شاجـع ينهـد حيلـه =مايقاوم نظرة منـك ويصبـح لـك موالـي
وصلك ابعد من نجوم الجدي ونجـوم محيلـه =بس والله لاصلـك والصـد زودنـي هبالـي
ماخبرت ان الورود تعيش في الارض الوحيله =وماخبرت ان العرب تسند على جرف هيالـي
ودك انه مايعرفـك كـود منهـو يالكحيلـه =وافي عده معـرب بيـن عـم وبيـن خالـي
آخر المواضيع
الكحـيـــــــــــــلـــة 
