بنت الرياض وخايلي برقْ بـْـسما روحي يلوح
من عـالي الـجــهــرا هـتــف بـالـحــب يابـنـت الرياض
*
وإستـوطن القلب الغلا بالرغم من كل الجروح
والــروح بـيـّـن فــي سواد احــزانـهـا صفـحـة بـياض
*
إيه أنعشي روحي بـحـبـك وإبني بقلبي صروح
وإسـتــرسـلـي بــث الـحـيـا يــومــه رفـيـف الحب ناض
*
كم لي أعاني والأماني داخل فــْــوادي تـنـوح
كــم لــي وأنــا فــي غــربـتـي مابين واقع وإفتراض
*
قبل أعـْـرِفـِـك لو سولفوا بالحب أتحجج وأروح
عـــذري أحــس فـ داخــلـــي رهـبه وبالنفـس إمـتـعـاض
*
ياسـيـدة شعــري فــداك الـشعـر ياالوجه الصبوح
أزرع لـك حــروفــي غــلا وأهــديـك من شوقي فياض
*
منتي بـْحاجه لإختباري واضـح ٍ كل الوضــوح
عـمـري وربـي لـو تـبـيــنـه مـا تـلاقــين إعـتراض
*
فـدوه لـْـعـيـنـك لو تبين الروح لك فدوه تروح
مادام لـك قــلـبـي هــتــف بـالـحــب يابـنـت الرياض