اهـــــداء الى الــغــفران

بمتطي صهوة جوادي وفي كفّي رسن=ساعةٍ ماخلقت الموهبات الا لها
الخيول اللي على هقوة الفارس تعن=تقطع المضمار والخيل من خيالها
والاانا فوق الثرياوفوق عروش جن=اشرب زلال المعاني واكب حثالها
غن ياراسي على كل طاروق ولحن=لين تفخر بي وبك غترتي وعقالها
غن قدام الجماهير واخلف كل ظن=والدلال الشقر قلط لنا فنجالها
واسرد ابيات المعرفه ومثل كل فن=واكسر دقاق المثايل وصف جلالها
فيه راسٍ مايثمّن وراسٍ له ثمن=وانت ماتغرى ببقعى ولا باموالها
قص للسامع حكايه لها الخفاق حن=عن ثلاث اشخاص في حالةٍ يرثالها
اول الاشخاص ضايع يجول بلا وطن=عاش في الدوله وثابر وشاف اعمالها
والثنين اصلا لهم داخل الدوله زمن=وعائلتهم ينعرف عمها من خالها
ضايعين وقولهم لي لمن نشكي لمن=ناس تذرف دمعة العين من اقوالها
والسؤال اللي بقلبي واحسه مندفن=عن مية سؤال ماينوجد حلالها
فيه اصعب من مواطن يعيش بلا وطن=وفيه اوفى من حكومه تضم عيالها؟

إذا أردت أن تربح صندوق الكنز إضغط هنا

( سبحان الله وبحمده سبحان الله العظيم )