الشعر في حضرة عيونك وشيقـول=في حضرتك شمـوخ بيتـي وقافـي
دمك خفيف وذوق والهرج معسـول=تغرق وتشرق من حـلاك القوافـي
جذاب نهاب وحضـاري ومجمـول=جمالك اسطـوري وجـوك خرافـي
نظرة من عيونك تعادل سفر حـول=بين السواحـل والمـدن والمرافـي
بيني وبين عيونك الشوق مرسـول=يزورني مع هجعـة النـاس لافـي
في غيبتك تهطل على عيني اهطول=أطيافك اللـي بالغـت ف اختطافـي
اتخيلك كوكب على المزن محمـول=أوسندريـلا فـي ثيـاب الزفـافـي
تسري بي اللهفة على دربك خيول=تقطع بـي البيـداء وقفـر الفيافـي
يزهر ربيعي في حضورك على طول=وفي غيبتك ترعـد سحابـة جفافـي
مشاعري هتان واشواقـي سيـول=والقلب يعصف بالضلـوع النحافـي
مشي مع العالم واناشبـه مذهـول=خطوة أمام امشي وخطـوة خلافـي
وان قلت لاهل الطب شوفولي حلول=قالوا علامـك طيـب(ن) ومتعافـي
وان قلت عالجني تراك انت مسؤول=يازارع الغيرة نخـل فـي ضفافـي
ينظر بعين الكبر ويقول لاحـووول=يجحد وعينـه تعلـن ٠ الإعترافـي
ياخيبة العنقاء وياحسـرة الغـول=موتوا قهر حصلت لـي خـل وافـي
واقف على شرياني بسيف مسلـول=ومشاعري طـوح بهـا ف المنافـي
وإن كان باقيلي من اشواقي فلـول=اجهز عليهـا ب الهجـر والتجافـي
أكثر جروحي قيدت ضـد مجهـول=لا مانع إنك ترتكب جـرح اضافـي
الموت في دنيـاك مقبـول مقبـول=لو كل يـوم امـوت ماقلـت كافـي
قصيدة الشاعر هلال الثبيتي
آخر المواضيع
الشعر في حضرة عيونك وشيقـول0000!!!!!!! 
