.. بسمة الأحزان..
جف القلم ماله فالأحوال صرفه
نفس القلم نفس الورق نفس الأحوال
صدفه غريبه بين حرفي وحرفه
صارت رجاء صارت ندا صارت اَمال
يابسمة الأحزان ما أنبل طرفه
لو أقتسمنا الحظ مع طيبة الفال
عمر اللقاء ودموع الأعيان ذرفه
غريقة التوديع لو المدى طال
لا ياحنين الشوق وش كان عرفه
لحظة صهيل الخيل وصياح الأبطال
صار السهر مع نزف الأفكار حرفه
والشعر يبقى وضع واحساس يختال
الليل أعيشه في سواليف غرفه
ونسج الخيال أصبح سواليف وجدال
وأبي التمس له لو قسى الوقت ظرفه
ولا أرتجي باكر ولا يتعب الحال
بيت الصبر ماعاد لي فيه شرفه
فضلت أنا عنه العطش ..وأشهب اللاَل
شعر: ذيب ابراهيم