لكن طريق الباخره خالف الريح=والوقت يغلبه الجفا والتجافي

نصبح ونمسي والخواطر مجاريـح=تالي زمان صـار فيـه اختلافـي
سادالظلام وغاب نـور المصابيـح=واصبح سنا نور المصابيح طافـي
قامت بروقك يالمـزون المراويـح=تكشف لنا ليـل دروبـه خوافـي
مزن سكب دم النفـوس المذابيـح=لين انحدر سيل من الـدم صافـي
هبت عواصيف الزمـان اللوافيـح=واهتزت اجبال السنيـن العجافـي
مصايب مثل الخرز في المسابيـح=اللي تخالف في الخيوط الرهافـي
انفلـت السبحـة وجاتـك مدابيـح=هـاذي مقابيـل وهـاذي مقافـي
ياللي تجر الصوت وتون وتصيـح=همك كبير وسـر الايـام خافـي
ماتدري ان وقتك يدينـه ملاويـح=وان ساق رجله ماتمـل الوقافـي
شفنا السلاطين الدهـاة الطحاطيـح=ضحية الفلـم الحزيـن الخرافـي
تلعب على كر الهواء في المراجيح=منـا ومنـا بالحبـال الصخافـي
اصدورنـا تشبـه قـدور مفاويـح=وادروبنا تشبـه فجـوج الفيافـي
لكن طريق الباخره خالـف الريـح=والوقت يغلبـه الجفـا والتجافـي
اهدافنا ماهيـب ركـلات ترجيـح=شوطين اساسيه وشوطين اضافـي
نمسك زمام اللعب ونقـوم ونطيـح=شوطين اساسيه وشوطين اضافـي
لكـن للفـوز الحقيقـي مفاتـيـح=ضاعت تحت ضغط الفريق المكافي
راحت رموز المجد دار المفاليـح=مخاطر تحرق قـدم كـل حافـي
من مات مات ومن حيا دمه يسيـح=فراشه الارض وسمـاه اللحافـي
الى متى والوضع يحتـاج تصليـح=والى متى والوقت قاسي وجافـي
بعض الغلط ماعاد يحتاج تصحيـح=اقولها واللي علـى البـال كافـي
ياهل الفرايض والرتب والتراويـح=مصايـب الدنبـا ثقـال اخفافـي
واما ارتفع صوت الدعا والتسابيـح=تبقـى الحيـاة ابميلـة وانحرافـي
واليـوم ياربـي عليـك التساميـح=ونعيش مستورين والخير ضافـي