يا سيدي قدرك علـى الـراس والله
وما عاش من يجرح شعورك ويبليك
من يجرحك سيف المراجـل نسلـه
ونلحفه بأكفـان لأجلـك ونرضيـك
ولا يزعلك ارجوك لا جـات زلـه
من غير قصد ٍ من حبيب ٍ يراعيـك
بَعْدك سطا بالقلـب عشريـن علـه
وخيّم عليّ الحـزن والعيـن تبكيـك
ضاق الفضا والريـق مااقـدر ابلـه
وانْشل تفكيـري سبايـب دعاويـك
والقلب عقبك يصطلـي فـوق مَلـه
والنوم عفته يا عسى الـرب يهديـك
سر الغلا محفـوظ يـا زيـن كلـه
في خزنة ٍ من دون بـاب وشبابيـك
مفتاحهـا عنـدك ولاحـد ٍ يـدلـه
لأنك ملكت القلـب والقلـب يفديـك
قلـب ٍ بنالـك دولــة ٍ مستقـلـه
انـت الملـك تامـر وقلبـي يلبيـك
قلب ٍ حشـا مايبـوح سـر ويفلـه
ويصون عهد الحب .. يدرى مساويك
خلك معي يـا شـوق قلبـي وظلـه
ولا تسمع الواشي ونـاس ٍ تعاديـك
ولاتحرق اعصابـك ودمعـك تهلـه
وانا حبيبـك يـا بعـد روح مغليـك
هذا شعور القلـب والحـزن خلـه
ارجع لقلب ٍ ما يبي غيـر طاريـك
وان كان تبغى رضاي دربـي تدلـه
تعـال للـي وسـط قلبـه مبانيـك
وما اظن قلبك دام انـا عانـي ٍ لـه
يرفض عذر من في حياته مصافيـك
وعندك خبـر انـك حبيـب ٍ امدلـه
وعندي خبر ان التواضـع مباديـك
ومثلك يسامح يـا الغـلا كـل زلـه
من صاحب ٍ طول العمر ميت ٍ فيـك
.
.
.
لشاعر/حسـن عـلـى الهـاجـري
آخر المواضيع
((.. لا تحرق اعصابك .. )) 
