فلسفة الغياب

.






غابوا لانهم الأجمل والأصدق
.محد يستاهلهم علشان كذا راحوا .. السبب بسيط وواضح

الغياب فلسفة .. الغياب شئ معبر ولغة راقيه اذا اخترت له الوقت المناسب

اذا حسيت انك تختنق,انت تغيب عن ناس سببوا لك الاختناق

ناس مروا في حياتنا وغابوا .. عرفناهم عشنا كل اللحظات معاهم ..
وآخر شئ غابوا عنا

من اصعب الاشياء انك تحس الدنيا والناس تمر عليك وتروح .. انت تقول نسيتهم

وفي داخلك تذكرهم .. راحوا وبقت ذكراهم .. ليش الذكرى ماتروح مع اللي غاب ?!

هم معذورين خلصوا وقتهم وراحوا .. انت اللي غلطان

لانك تحاول ترجع فترة انتهت .. الماضي لا يعود .. والايام ماترجع وراء

الصدف في الحياة فوضوية اذا حاولت ترتبها .. بتكون تسوي المستحيل

كل أحد غاب عنك,بأرادته او بغير أرادته بأمر من الله سبحانه بالوفاة

تحس الغايب افضل من الموجود في حياتك الحين

هذا اشتياقك وهذي كيمياء الغياب ولهفة الغياب تصور لك هالشئ

لو رجع كل من غاب عنك , وقتها بتعرف ان الغياب له فلسفة وشعور

لا يعرفه ألا من عاش لحظات اشتياق وحنين لمكان,لانسان,لفترة من حياته

الصراع بين القلب والعقل مستمر .. العقل يقول تلاقي مكان افضل

وناس أوفى وفترة أجمل .. من كل اللي مر بحياتك

والقلب يعيش في الماضي ويحب كل خطوة في المكان

وكل لحظات الزمان اللي مرت , وكل ناس عرفهم وحبهم

الغياب حزن راقي , ووفاء أبدي , وحب لا يعترف بحدود الزمان والمكان

(من كتابتي البسيطه )


سلطان

إن صمتي لا يعني جهلي بما يدور حولــــــي
ولكـــن مايدور حولي لا يستحـــــق الكلااام