.
والله ما بيعك بالغنـم ياالمغاتيـر=واني ما ابدويبك من الناس شاوي
حتى تخبين الرياض المخاضيـر=وتقطفين ارقاب نبـت الصـداوي
لاجاء الروس اقليقلانـه نواويـر=مثل الدقوق بريش خطو النـداوي
الابل محبتها لهـا طابعـن غيـر=لا وقعت في القلب ماهيب تـاوي
ثنتين مافيهن مسـاوم وتسعيـر=لافاتن الرجـال طـاح متسـاوي
دامه يراودهن وهو في رجاء خير=ولا غيرهن لامراض قلبه مداوي
وليا تركهن هف مع شفت البيـر=وصارت اموره بين هاوي وعاوي
محبة الوضحاء وحـب الغناديـر=ترجع بقلبن في طلبهـا رجـاوي
لاعرضت شقراء شعرها دعاثيـر=بعيونها تخلف مسـار الهـواوي
واللي يبي يطلب على القول تبرير=لا ينشـد الا طيبيـن الهـقـاوي
يرفع لمثل محمدالخـس تقريـر=ويستنظر الحل الصحيح القصاوي
وليا خذا التقرير من شاعر مطير=تراه حلـن مـا يعقبـه دعـاوي
عبد الله بن نايف بن عون الرويس العتيبي
آخر المواضيع
قصيدة فالبل لبن عون 
