حاب يكون لك صفحة شخصية

هلا فيكم

اليوم بحط لكم شرح كيف تسوي صفحة شخصية

الطريقة سهلة مرة وحلوة وانا بكون موجود حق اي

سؤال او استفسار

هذا مثال على الصفحة الشخصية

للمشاهدة

اضغط هنا

البداية تروح حق الرابط هذا

http://spaces.msn.com/

بعدها تتبع الخطوات مثل الي في الصور














الحين مبرووك عليك صار عندك صفحة شخصية

داخل الصفحة نقدر نغير ونرتب كل شي وباشرح

كل شب بالتفصيل

نبدأ




اول مانسوي ساين ان او دخول راح نشوف كلميتين على اليمين

Customize | Settings
هذولي هم قائمة التحكم

نشرح Settings

اول مانضغط عليها راح يفج لنا صفحة فيها

Space Settings I Blog Settings | Permissions | Mobile Settings | Storage | Statistics

راح ناخذهم من اليسار لليمين

Space Settings

الصفحة هذي فيها مستطيلين تسمي اسم الصفحة وعنوانها او بس اسم ويقبل العربي

والباقي مو مهم بعد الكتابة نضغط سيف في اسفل الصفحة وفيه بعد Delete my space

لحذف الصفحة بالكامل والغائها

Blog Settings

الصفحة هذي نقدر نكتب قصة او قصيدة وممكن الي يزورون الصفحة يردون على الي مكتوب

صراحة انا حاذفة عندي وبعد تقدر تضيف صور للقصة او القصيدة او اي موضوع تحب الناس تقراه

Permissions

الاذن او السماح لناس الي يشوفون الصفحة فيه ثلاث خيارات

Public: وهذا يعني صفحة عامة للجميع

Messenger: ناس مضيوفين عندك او تضيفهم ويكون هم بس الي مسموح لهم يشوفون الصفحة

Private: خاص ماحد يشوفها حتى انت لو سويت ساين اوت خروج ماراح تقدر تشوف الصفحة

الا اذا سجلت دخول فقط

Mobile Settings هذي واضحة سوالف الموبايل مالنا علاقة فيها

Storage هذي الصفحة يرويك الهوت ميل شوه كثر محمل صور

وجم باجي لك من سعة الصفحة الي هي 10 م ب

Statistics هذي الصفحة تبين عدد الزوار لصفحتك العدد الكلي من اسستها

والعدد في هذا الاسبوع والعدد في اليوم جم شافها من واحد وجم شافها

من واحد في الساعة الاخيرة ويرويك الروابط الي شافو منها صفحتك

انتهينا من الاولى

الثانية الي هي

Customize

اذا ضغطناها ماراح تودينا صفحة ثانية في نفس الصفحة راح نشوف هالكلمات على اليسار

Themes | Modules | Layout

راح اشرحهم وحدة وحدة

Themes ثيمات او الخلفيات والوان الصفحة فيه حوالي 30 شكل اختار منهم والي يعجبك

سوي سيف وبمكان تيرب الي تبا مادمت ماسويت سيف ماراح يتغير شي ابداً


Modules اذا ضغطنا السهم الي يمها راح تطلع لنا قائمة بمحتويات الصفحة

وكل شي قدامه add اضافه اذا كان مو مضيوف او remove ازالة اذا كان موجود

يعني مثل الارشيف واي مربع ماله لازمه عندك سو له ازالة وفيه updated spaces هذا

من الافضل تسوي له رموف لان فيه روابط على صفحات مثل صفحتك توها منشأة

وبعضها فيه اشياء سيئة

Layout هذ راح ينزل قائمة فيها خمس اشكال لصفحة واحد منهم عليه

سهم صغير لونه اخضر يعني الشكل المستخدم حالياً حق صفحتك


الحين انتهينا من التحكم العام

نرد حق التعديلات والاضافات البسيطة

البوم الصور

يجي عليه ثلاث كلمات

Create | Edit | Delete

Create حق تسويت البوم جديد باسم جديد ويقبل العربي

Edit اذا البوم موجود وحابين نحذف صورة منه او نضيف صور يديده او نغير اسمه

Delete اذا البوم موجود وحابين نلغية مرة وحدة


القوائم

يجي عليها كلمتين

Edit list | Add item

Edit list اذا حبينا نضيف او نغير الاسم او انشاء قائمة يديده باسم يديد

اذا ضغطناها راح يفج صفحة يديده وفيها Add item | Rename list | Delete list

Add item اضافة مواد وراح يفج لنا ثلاث مستطيلات الاول من اليسار مال الاسم

الثاني مال الرابط والثالث مال الوصف يعني مو مهم

بعده Rename list وهذا اعادت تسمية ويقبل الاسامي بالعربي

Delete list هذا الخيار اذا حابين نلغي القائمة بالكامل


نرد حق الخيار الثاني

Add item هذا اذا بس حاب تضيف رابط على طول ماراح يفج لك صفحة ثانية في نفس الصفحة

يعطيك مربع تحط الخيار الاول مال الرابط والخيار الثاني مال الاسم والثالث مايحتاج وبعدها اوكي


اتمنى اني قدرت اوضح

واذا ناقص شي ذكروني

والسموحة