مضاربنا يابن هذّال=ترفه اوتثني الوسادهْ
مودة نقلَتْ اخبارَكْ=مودة اكحَيْلَهْ مِهدادَهْ
هرجك يومْ جَنّادريهْ=هرج رجال سَدّادَهْ
جزْلَهْ منْ جزِلْ=والمُوحْ إلَكْ عادَهْ
دعا من القلبْ يازود=جاه النبي واحفادهْ
خلف هذّال العتيبي=ياربْ مَتْعَهْ باولادَهْ
يابن هذّالْ دمْنَهْ يسيلْ=والعربان كلمَنْ ملتهيْ بزادَهْ
يابن الجودْ حتّى الطفل=مايسلمْ على اورادهْ
طوايفْ ناسْ تذْبَحْ ناسْ=لادينْ اليِرِدْهَ وغيرَهْ رَدّادَهْ
باسمْ الدّيْنْ صارْ الْذَبِحْ=كلمَنْ ايْدَهْ بِزْنادَهْ
برئ الدينْ منهمْ ماحكمْ=بالدّيْنْ رَبّكْ تذْبَحْ عبادَهْ
قال اليقتلْ من الناسْ واحدْ=قِتَلْ كُلْ الناسْ عدّادَهْ
هذا دينْ أبو القاسِمْ=سَمِحْ مُوْشْ الذَبِحْ سَادَهْ
لو بالجبل مرّتْ محنَةْ ال=نهرين كان انهَدّتْ اوتادَهْ
شابْ الطِفِلْ عِدْنَهْ= من الهُوايِلْ والقَهَرْ بادَهْ
يابن هذّالْ دجْلَهْ الحلْوَهْ=صارَتْ لِلْجِثَثْ رَادَهْ
يالعتيبي فرات الخير=نُوْحْ تنُوحْ رُوّادَهْ
تخمْنَهْ من الظلمْ والجُورْ=ماشِفْنَهْ صبحْ نَادَهْ
يابن هذّالْ شحْكيلَكْ=عقليْ تاهَتْ اسْنادَهْ
بيني وبين العتيبي= عتب مو عتبَهْ عوّادَهْ
اريدَكْ دومْ تِحْكيْ ودومْ=لَلمَجْروحْ انتَ تصيْرْ ضُمّادَهْ
واللّهْ لَ انْزَعْ عقاليْ بمضيف الجودْ=عبد الله القرمْ والموْحْ والسادَهْ
أخُوكْ آنَهْ هِدَمْنِيْ الهَمْ=أخُوكْ بْشارْبَكْ يَسْعُودْ مرْدادَهْ
تُومْ الشِعِرْ مِيْلادَكْ ومِيْلادَهْ=وبْجيْدْ الكْحَيْلَهْ تِحْلَهْ القْلادَهْ
الحبيب الاول
آخر المواضيع
خلف هذّال العتيبي ........ فحل واثنوله الوساده 
